ئاوات جەناب و وەفدەکەی بەرەو بەغدا بەڕێکەوتن

نها نیوز – هەواڵەکان

وەزارەتی دارایی حکومەتی کاربەڕێکەر بڵاویکردووەتەوە، کە شاندی حکومەتی هەرێم بەسەرۆکایەتی ئاوات جەناب وەزیری دارایی بەرە و بەغدا بەڕێکەوتوون.

وەزارەتی دارایی و ئابووری حکومەتی کاربەڕێکەری هەرێمی کوردستان لەمیانی راگەیەندراوێکدا وتی "ئێوارەی رۆژی یەکشەممە 19ی کانونی دووەمی 2025، شاندی حکومەتی هەرێمی کوردستان بەسەرۆکایەتی بەڕێز ئاوات شێخ جەناب وەزیری دارایی و ئابووری هەرێمی کوردستان بەرەو شاری بەغدا بەڕێکەوت".

وەزارەتی دارایی ئاشکراشیکردووە "ئامانج لەسەردانەکە گفتوگۆکردنە لەسەر هەمواری خشتەکانی یاسای بودجەی گشتی عێراق بۆ ساڵی 2025 و چارەسەرکردنی ئاستەنگەکانی بەردەم مووچەی فەرمانبەران و مووچەخۆرانی هەرێمی کوردستان".