نرخی زێر بەشێوەیەکی بەرچاو دابەزی

نها نیوز – هەواڵەکان

جێگری سەرۆکی سەندیکای زێڕنگەرانی هەولێر ئاشکرایکرد، بەراورد بە هەفتەی رابردوو نرخی هەر مسقاڵێک زێر لە بازارەکانی هەرێمی کوردستان بۆ نزیکەی 20 هەزار دینار دابەزیوە.

عەبدوڵا ئەکرەم، جێگری سەرۆکی سەندیکای زێڕنگەرانی هەولێر بە میدیاکان دەڵێت "بەراورد بە هەفتەی رابردوو نرخی هەر مسقاڵێک زێر لە بازارەکانی هەرێمی کودرستان بۆ نزیکەی 20 هەزار دینار دابەزیوە، بە جۆرێک نرخی هەر مسقاڵێک زێڕی عەیارە 21 بە 575 هەزار دینارە و عەیار 18 بە 493 هەزار دینارە، هاوکات نرخی مسقاڵێک زێڕی عەیار 24 بە 657 هەزار دینارە و عەیار 22 بە 603 هەزار دینارە".

پەیوەست بەهاوکارەکەیەوە، ناوبراو رونیکردەوە "دەکرێ هەڵبژاردنی ئەمریکا هۆکارێک بێت، بەڵام بە گشتی نرخ لە بۆرسەی جیهانیدا دابەزیوە و کاریگەریی لەسەر بازاڕەکانی هەرێمی کوردستانیش داناوە".

ئەمەش لە کاتێکدایە، مانگی رابردوو زێڕ بەرزترین ئاستی تۆمار کرد، بەجۆرێک نرخی مسقاڵێک زێڕی عەیار 21 گەیشتە 603 هەزار دینار.