دادگای فیدڕاڵی لەبارەی نرخی نەوتی سپی لە هەرێم بڕیاردەدات
نها نیوز - هەواڵەکان
بڕیارە سبەی چوارشەممە، دادگای فیدراڵی عێراق سکاڵایەکی تایبەت بە گرانی نرخی سوتەمەنی لە هەرێمی کوردستان تاوتوێ بکات کە لەلایەن ژمارەیەک هاوڵاتی هەرێمەوە تۆمار کراوە.
بەپێی خشتەی کارەکانی دادگای فیدراڵی عێراق، کە سبەی چوارشەممە یەکەم دانیشتن لەبارەی دۆسیەکەوە بەڕێوەدەچێت.
سکاڵاکە لەسەر وەزیری نەوت و سەرۆك وەزیرانی عێراق تۆماركراوە، تێیدا باس لەوەکراوە کە نرخی سوتەمەنی بە دیاریکراوی نەوتی سپی لە هەرێمی کوردستان بەراورد بە شارەکانی دیکەی عێراق زۆر گرانترە.
لە سکاڵاکەدا ئاماژە بەوەشكراوە، ئەو سکاڵایە لەسەر ناڕەوایی ڕێكارەكانی وەزارەتی نەوت و ڕەزامەندیی محەمەد شیاع سوودانی، سەرۆك وەزیرانی عێراق لەسەر دیاریكردنی نرخی نەوتی سپی بە هاوڵاتییانی هەرێمی كوردستان تۆماركراوە.
|