ئێران داوایەکی قورس لە ئەمریکا دەکات
.jpg)
نهانیوز-هەواڵەکان
باڵیۆزی ئێران لە نەتەوەیەکگرتووەکان لەڕێگە نامەیەکەوە داوا دەکات "یاسای نێودەوڵەتی ڕێڕەوی خۆی وەربگرێت و ئەمریکا و ئیسرائیل لە (جەنگی 12 ڕۆژە) بەرپرسیار بکرێن و قەرەبووی ئەو زیانانە بکەنەوە کە بەر کۆماری ئیسلامیی ئێران و خەڵکەکەی کەتوون".
دوای ئەوەی دۆناڵد ترەمپ، سەرۆکی ئەمریکا، دانی بەوەدا نا کە ئەمریکا لە هێرشەکانی ئیسرائیل بۆ سەر ئێران ڕۆڵی هەبووە، باڵیۆزی ئێران لە نەتەوەیەکگرتووەکان نامەیەک ئاراستەی سکرتێری گشتیی ڕێکخراوەکە و ئەنجوومەنی ئاسایش دەکات.
ئەمیر سەعید ئیروانی، باڵیۆزی هەمیشەیی ئێران لە نەتەوەیەکگرتووەکان، لە نامەکەیدا نووسیویەتی ": بە سەرنجدان بەوەی کە ئەم دانپێدانانە تاوانکارییە لەلایەن باڵاترین بەرپرسی ئەمریکاوە بەڵگەیەکی ڕوون و یاسایی پابەندکەر و حاشا هەڵنەگرە بۆ بەرپرسیارێتی و کەمتەرخەمیی نێودەوڵەتیی ئەمریکا.
باڵیۆزی ئێران لە نەتەوە یەکگرتوەکان داوا دەکات یاسای نێودەوڵەتی ڕێڕەوی خۆی وەربگرێت و ئەمریکا و ئیسرائیل بەرپرسیار بکرێن و قەرەبووی ئەو زیانانە بکەنەوە کە بەر کۆماری ئیسلامیی ئێران و خەڵکەکەی کەتوون لە جەنگی 12 ڕۆژەدا.
|