ئەمریكا کەیسێکی گەورەی عێراقی پشتراست کردەوە
نها نیوز – هەواڵەکان
وەزارەتی دەرەوەی ئەمریکا كشانەوەی هێزەكانیان لە عێراق بە هەنگاوێكی سروشتی خستە روو.
وەزارەتی دەرەوەی ئەمریکا لەبارەی كشانەوەی هێزەكانیان لە عێراق بە میدیای پارتی راگەیاند "بەپێی ئەو راگەیەندراوە هاوبەشەی ئەیلوولی رابردوو بڵاوکرایەوە و تێیدا خشتەی کۆتاییهێنان بە ئەرکی سەربازیی هاوپەیمانیی نێودەوڵەتی دژی داعش لە عێراق راگەیەندرا، هێزی هاوپەیمانان بەپێی ئەو خشتە کاتییەی رێککەوتنی لەسەر کراوە کار بۆ گواستنەوەی هێزەکانی هاوپەیمانان دەکرێ، ئەمەش لەچوارچێوەی کۆتاییهێنان بە ئۆپەراسیۆنە سەربازییەکان لە عێراق".
وەک لە بەیاننامە هاوبەشەکەدا ئاماژەی پێدراوە، کۆتاییهێنان بە ئەرکی سەربازیی هێزەکانیان لەچوارچێوەی هاوپەیمانیی نێودەوڵەتی هەنگاوێکی سروشتییە چونکە "ئەرکی هاوپەیمانان لە عێراق بۆ پەیوەندییەکی ئەمنیی دولایەنەی نەریتی دەگۆڕێت."
|