حوسییه‌كان كوژرانی سه‌رۆك وه‌زیرانی حكومه‌ته‌كه‌یان له‌لایه‌ن ئیسرائیله‌وه راگه‌یاند
نها نیوز – هەواڵەکان
حوسییه‌كانی یه‌مه‌ن به‌فه‌رمی كوژرانی ئه‌حمه‌د غالب ره‌هه‌وی سه‌رۆك وه‌زیرانی حكومه‌ته‌كه‌یان و ژماره‌یه‌ك له وه‌زیره‌كانیان له هێرشێكی ئیسرائیلدا بۆسه‌ر سه‌نعای پایته‌خت راگه‌یاند.
كۆمەڵەی حوسی لە
بەیاننامەیەكدا ئاشكرایكرد" ئیسرائیل لە كۆبوونەوەیەكی ئاسایدا سەرۆك وەزیران
و وەزیرەكانی كردووەتە ئامانج، كۆبوونەوەكە بۆ هەڵسەنگاندنی ئەدای كاری حكومەت بووە
لەماوەی یەك ساڵی كاركردنیدا".
ئه‌مڕۆ شه‌ممه 30ی ئابی 2025 حوسییه‌كان به فه‌رمی كوژرانی ئه‌حمه‌د غالب ره‌هه‌وی سه‌رۆكی حكومه‌ته‌كه‌یان (له‌لایه‌ن كۆمه‌ڵگه‌ی نێوده‌وڵه‌تییه‌وه دانی پێدانه‌نراوه) و چه‌ند وه‌زیرێكیان له هێرشه ئاسمانییه‌كه‌ی رۆژی پێنجشه‌ممه‌ی رابردووی ئیسرائیل بۆ سه‌ر شاری سه‌نعای پایته‌ختی یه‌مه‌ن راگه‌یاند.
ئه‌و گرووپه له راگه‌یه‌ندراوێكدا ئاماژه‌ی به‌وه‌دا كه له وۆرك شۆپێكی رۆتینی كه له‌لایه‌ن حكومه‌ته‌وه بۆ هه‌ڵسه‌نگاندنی چالاكییه‌كانی و ئه‌دای كاركردنی له ماوه‌ی ساڵی رابردوودا به‌ڕێوه‌چوو، له شاری سه‌نعای پایته‌خت، ئیسرائیل سه‌رۆك وه‌زیران و ژماره‌یه‌ك وه‌زیری كرده ئامانج.
ئیسرائیل لە چەند مانگی ڕابردوودا چەندین جار پێگەکانی حوسییەکانی کردۆتە ئامانج.
|