سوپای پاسداران هەڵوەشاندنەوەی شانەیەکی مۆسادی ئیسرائیلی راگەیاند
نهانیوز-هەواڵەکان
سوپای پاسدارانی ئێران هەڵوەشاندنەوەی شانەیەکی مۆسادی ئیسرائیلی لە باکووری ڕۆژهەڵاتی ئێران ڕاگەیاند.
ئەمڕۆ شەممە 30ی ئاب ئاژانسی هەواڵی تەسنیمی ئێران بڵاویکردەوە"دوای ئۆپەراسیۆنە هەواڵگرییە ورد و بەردەوامەکانی سوپای پاسداران، بە هەماهەنگی لەگەڵ دەزگای قەزایی، هەشت کەسییان دەستبەسەر کردوە کە پەیوەندییان بە ئیسرائیلەوە هەبووە."
باسی لەوەشکردووە" ئەو کەسانە لە ڕێگەی فەزای ئەلیکترۆنییەوە مەشقی تایبەتیان پێکراوە، لە کاتی ڕووبەڕووبوونەوەی ئەم دواییەی ئیسرائیل و ئێراندا، شوێنە گرنگ و هەستیارەکان و زانیارییەکانیان بۆ ئەفسەرانی هەواڵگری مۆساد ناردووە."
ئاژانسەکە، ئەوەشی وتووە، دەستگیرکراوەکان بەنیازبوون ئۆپەراسیۆنەکانیان لە دژی بەرپرسانی مەدەنی و سەربازی ئەنجام بدەن، ئەمە جگە لەوەی ناوەندە گرنگەکانی شاری مەشهەدیان کردووەتە ئامانج.
|