هێرشکرایە سەر یانەیەکی شەوانە و 4 کەس کوژران
نهانیوز-هەواڵەکان
لە ویلایەتێکی ئەمریکا كەسێك هەڵیكوتایە سەر یانەیەكی شەوانە و دەستڕێژی گولـلەی لە خەڵك كرد و چوار كەسی كوشت.
دەسەڵاتدارانی ویلایەتی مۆنتانا لە ئەمریكا، ڕایگەیاند" كەسێك بە چەكەوە هەڵیكوتایە نێو یانەیەكی شەوانە و تەقەی هەڕەمەكیی كرد، بەهۆیەوە چوار كەسی كوشت و چەكدارەكەش دەستگیر نەكراوە".
دەسەڵاتدارانی ئەو ناوچەیە، هۆشدارییان بە دانیشتوان دا، كە نزیك لە ناوچەی (ئەناكوندا) نەكەونەوە.
نووسینگەی بەڕێوەبەری پۆلیسی ناوچەی گرانێت ڕایگەیاندووە" بەپەلە تیمێكمان دەرچوون و ئەو ماڵ و شوێنانەیان پشكنیوە كە گومان دەكرێ تەقەكەرەكە خۆی لێ حەشار دابێت".
ساندرا باركەر، وتەبێژی نووسینگەی لێكۆڵینەوەی فیدراڵی، لە شاری سۆڵت لیك، دەڵێت" یارمەتیی تیمەكان دەدەین بۆ كۆنتڕۆڵكردنی ئەو كەسە".
|