بەقایی: هەینی لەگەڵ سێ ولاتی ئەوروپا لەسەر بەرنامە ئەتۆمییەکانی ئێران کۆدەبێنەوە
نهنایوز-هەوالەکان
ئێران و سێ وڵاتی ئەوروپا ڕێککەوتوون ڕۆژی هەینی داهاتوو لە ئیستەنبووڵ لەسەر بەرنامە ئەتۆمییەکانی تاران کۆببنەوە.
ئیسماعیل بەقایی، وتەبێژی وەزارەتی دەرەوەی ئێران ڕایگەیاند: دانوستانە ئەتۆمییەکانی ئێران و هەرسێ وڵاتی بەریتانیا، فەرەنسا و ئەڵمانیا هەینی لە ئیستەنبووڵ بەڕێوەدەچێت لە سەر ئاستی جێگرانی وەزیری دەرەوەی هەر چوار وڵات.
بەشی سەرەکی گفتوگۆکان بریتیین لە چارەسەری دیپلۆماسی پرسی ئەتۆمی ئێران و ڕێگری لە پەرەسەندنی گرژییەکان لە ناوچەکە.
ئەم هەواڵە دوای ئەوە ڕاگەیێنرا کە وەزیرانی دەرەوەی وڵاتانی ئەوروپا و بەرپرسی سیاسەتی دەرەوەی یەکێتی ئەوروپا یەکەم پەیوەندییان لەگەڵ عەباس عێراقچی، وەزیری دەرەوە ئەنجامدا لەدوای هێرشەکانی ئەمەریکا و ئیسرائیل بۆ سەر دامەزراوە ئەتۆمییەکانی کۆماری ئیسلامی ئێران.
|