ترەمپ: ئاگربەستی نێوان ئیسرائیل و ئێران چووە بواری جێبەجێکردنەوە

نها نیوز – هەواڵەکان

سەرۆکی ئەمریکا لە تۆڕی کۆمەڵایەتیی تروس سۆشیەڵ رایگەیاند، ئیسرائیل و ئێران لە یەک کاتدا داوای ئاشتییان کردووە، ئێستا کاتی ئاشتییە و جیهان و ڕۆژهەڵاتی ناوەڕاست براوەی ڕاستەقینەی ئاگربەستی نێوان ئێران و ئیسرائیلن، راشیگەیاند:" ئاگربەستی نێوان ئیسرائیل و ئێران چووە بواری جێبەجێکردنەوە".

ترەمپ شەش سەعات پێش ئاگربەست پەیامێکی بڵاو کردووەتەوە و تێیدا نزا بۆ ئیسرائیل و ئێران دەکات 

دەقی پەیامەکە:

پیرۆزە لە هەمووان!
ڕێککەوتنێکی تەواو و ڕەسمی لە نێوان ئیسرائیل و ئێران بۆ ئاگربەستێکی تەواو و هەمەلایەنە کراوە (کە نزیکەی شەش سەعاتی تر لەمەودوا دەست پێدەکات، کاتێک هەردوو ئیسرائیل و ئێران ئەرکە بەردەوامەکانی کۆتایی خۆیان تەواو دەکەن!). ئەم ئاگربەستە ١٢ سەعات دەخایەنێت، لەو کاتەدا شەڕەکە بە رەسمی کۆتایی دێت!
ئێران بە رەسمی دەست بە ئاگربەستی خۆی دەکات و دوای 12 سەعات ئیسرائیلیش دەست بە ئاگربەستی خۆی دەکات. لە کۆتایی ٢٤ سەعاتەکە کۆتایی رەسمی شەڕی ١٢ ڕۆژە ڕادەگەیەنرێت، و هەموو جیهان ئاهەنگ دەگێڕن.
لە هەر قۆناغێکی ئاگربەستدا لایەنی بەرامبەر ئارامی و ئارام و ڕێزگرتن دەپارێزێت.
بەگریمانەیەک کە شتەکان بەو شێوەیەی چاوەڕوانکراو بەرەوپێش دەچن- و هەرواش- دەمەوێت دەستخۆشی لە هەردوو وڵات، ئیسرائیل و ئێران بکەم، کە خۆڕاگری و بوێری و زیرەکییان هەبووە بۆ هێنانی ئەوەی کە دەبێ پێی بگوترێ "جەنگی ١٢ ڕۆژە".
شەڕێک بوو کە دەکرا ساڵانێک بخایەنێت و هەموو ڕۆژهەڵاتی ناوەڕاست وێران بکات- بەڵام نەبوو، هەرگیزیش نابێت!
خوای گەورە ئیسرائیل پاداشت بدات،
خوای گەورە ئێران بەختەوەر بکات،
خوای گەورە ڕۆژهەڵاتی ناوەڕاست ببەخشێت،
خوای گەورە ویلایەتە یەکگرتووەکانی ئەمریکا بپارێزێت
خوای گەورە هەموو جیهان بەختەوەر بکات!
دۆناڵد ترەمپ،
سەرۆکی ویلایەتە یەکگرتووەکانی ئەمریکا