ئەنتۆنیۆ گوتێرێز: ململانێکان لە ناوچەیەکدا هەڕەشەیەکی ڕاستەوخۆیە بۆ سەر ئاسایشی نێودەوڵەتی
نهانیوز-هەواڵەکان
سکرتێری گشتی نەتەوە یەکگرتوەکان نیگەرانە لە بەکارهێنانی هێز لەلایان ئەمریکاوە دژی ئێران و داواش لە وڵاتانی ئەندام لە نەتەوە یەکگرتوەکان دەکات، گرژییەکان کەم بکەنەوە و پابەندی ئەرکەکانیان بن.
ئەنتۆنیۆ گوتێرێز،ڕایگەیاند" نیگەرانە لە بەکارهێنانی هێز لەلایەن ئەمریکاوە دژی ئێران و دەشڵێت، ئەمە هەڵکشانێکی مەترسیدارە لە ناوچەیەکدا و هەڕەشەیەکی راستەوخۆیە بۆ سەر ئاشتی و ئاسایشی نێودەوڵەتی".
سکرتێری گشتیی نەتەوە یەکگرتوەکان ئاماژەی بەوەشکرد" مەترسییەکان ڕو لە زیادبون دەکەن کە وادەکات ئەم ململانێیە بەخێرایی لە کۆنترۆڵ دەربچێت، و دەرئەنجامی کارەساتباری بۆ هاوڵاتیانی مەدەنی ناوچەکە و جیهان دەبێت".
گۆتێرێز داوا لە وڵاتانی ئەندام لە نەتەوە یەکگرتوەکان دەکات، گرژییەکان کەم بکەنەوە و پابەندی ئەرکەکانیان بن بەپێی پەیماننامەی نەتەوە یەکگرتوەکان و یاسا نێودەوڵەتییەکانی دیکە.
|