تورکیا هاتە نێو بابەتەکە و کۆتا هێرشی ئیسرائیل ئەنقەرە دەبێت
نها نیوز- هەواڵەکان
دەوڵەت باخچەلی، مەترسییەکی گرژییەکانی نێوان ئیسڕائیل و ئێران ئاشکرا دەکات و دەڵێت: هێرشەكەی ئیسرائیل بۆ سەر ئێران پەیامێکی ناڕاستەوخۆیە بۆ تورکیا و ئامانجی کۆتایی شەڕ و ئاڵنگارییەیە تورکیا دەبێت و پێویستە ئیسڕائیل لەڕێگای بەکارهێنانی هێزەوە بوەسترێنرێت، چونکە هیچ بژاردەیەکی تر نییە".
ئەمڕۆ شەممە، دەوڵەت باخچەلی سەرۆکی پارتی بزوتنەوەی نەتەوەیی تورکیا (مه‌هه‌په) لە ڕاگەیانراوێکدا باسی لەوە کرد: "ئەو هێرشە جارێکی دیکە ڕوخساری خوێناوی ئیسرائیلی ئاشکرا کردووە".
وتیشی: "ئەم هێرشەی ئیسڕائیل نەوەک تەنیا بۆ ئێران، بەڵکو هاوکات پەیامێکی ناڕاستەوخۆشە بۆ تورکیا، وڵاتەکەمان بە ئاگر دەورە دراوە، ئەم دۆخە مەترسییەکی گەورەیە و ئامانجی کۆتایی ئەم شەڕ و ئاڵنگارییە، تورکیا دەبێت".
باخچەلی سەرەڕای ئیدانە کردنی ئەم هێرشەی ئیسڕائیل بۆ سەر ئێران، ڕایگەیاند: "ئیدارەی تیرۆریستی ئیسرائیل دوای ئەوەی هەموو دەرفەتێک دەقۆزێتەوە بۆ داخستنی مەودای دیدگای وڵاتەکەمان، بێگومان تورکیا لە جەوهەری پێشهاتەکاندایە و ئامانجی تێکدانی 'تورکیایەکی بێ تیرۆر'ەو ئامانجی کۆتایی تورکیایە"."
دووپاتیشی کردەوە:"ڕاگرتنی ئیسرائیل بەرپرسیارێتییەکی مێژووییە هەم بۆ ئاسایشی نەتەوەییمان و هەم بۆ ئاشتی و سەقامگیریی ناوچەکە، پێویستە ئیسرائیل بە زۆر ڕابگیرێت، چونکە هیچ بژاردەیەکی تر نییە".
|