یەکەم وڵاتی خاوەن چەکی ئەتۆم لەسەر ئێران هاتە دەنگ
نها نیوز- هەواڵەکان
پاکستان وەک یەکەم وڵاتی خاوەن چەکی ئەتۆم لەسەر ئێران هاتە دەنگ و پاڵپشتیی بۆ ئێران ڕاگەیاند لە بەرامبەر هێرشە سەربازییەکانی ئیسڕائیلدا و جەختیش دەکاتەوە لەوەی، وەڵامدانەوەی تاران لە چوارچێوەی بەرگریکردنە لە سەروەریی ناوچەکە.
ئەمڕۆ شەممە، سەردار فەتحوڵلاخان میان خێل، سەرۆکی لیژنەی بەرگری لە پەرلەمانی پاکستان، لە لێدوانێکی فەرمیدا ڕایگەیاند: "ئێمە بە هەموو شێوەیەک پشتیوانیی ئێرانی دراوسێمان دەکەین".
جەختیشی کردەوە لە پشتیوانیی وڵاتەکەی بۆ تاران کردەوە و داوای یەکگرتوویی نێوان ئیسلام و سەرکەوتن بۆ براکانی کرد.
ئەو بەرپرسەی پەرلەمانی پاکستان، هێرشکردنە سەر ئێران لەلایەن ئیسرائیلەوە بە پێشێلکردنی ئاشکرای یاسا نێودەوڵەتییەکان ناو دەبات و داواش لە کۆمەڵگای نێودەوڵەتیی دەکات بە ئەرکی خۆیان هەڵستن لە بۆ وەستاندنی پەرەسەندنەکان.
وێڕای ئەوەی هێرشەکەی ئیسرائیل بۆسەر ئێران لەلایەن ئاسیف عەلی زەرداری، سەرۆک کۆماری پاکستان و شەهباز شەریف، سەرۆک وەزیرانی ئەو وڵاتە ئیدانە کرا، لەمیانی دوو بەیاننامەی جیادا دەشڵێن "داوا لە کۆمەڵگای نێودەوڵەتی دەکەین ڕێکاری بەپەلە بگرێتەبەر بۆ لێپرسینەوە لە دەستدرێژکاران".
|