ئەحمەد شەرع: ئامادەین لەگەڵ ئیسرائیل ئاسایشی ناوچەکە بپارێزین

نهانیوز-هەواڵەکان

ئەحمەد شەرع، سەرۆکی کۆماری کاتیی سوریا، ڕایگەیاند" لە نێوان دیمەشق و تەلئەڤیڤ، دوژمنێکی هاوبەش هەیە، دەشڵێت، ئامادەن لەگەل ئیسرائیل ئاسایشی ناوچەکە بپارێزن".

ئەحمەد شەرع  لە چاوپێکەوتنێکیدا لەگەڵ ڕۆژنامەی 'جیوش جۆرنال'ـی ڕاگەیاند" ئاشتیی نێوان سوریا و ئیسرائیل، دەتوانێت ببێتە هۆی سەقامگیریی ناوچەکە و کۆتاییهێنان بە شەڕ."

وتیشی" ئیسرائیل و سوریا  'دوژمنی هاوبەش' یان هەیە و جەختیشی کردەوە لەوەی، دیمەشق ئامادەیە لەسەر بنەمای ڕێگایەکی رون بۆ پێکەوەژیان، لەگەڵ تەلئەڤیڤ مامەڵە بکات".

ئەحمەد شەرع باسی لەوەش کردوە، سوریا و ئیسرائیل هەر وەک دوژمنی هاوبەشیان هەیە، دەشتوانن پێکەوە ڕۆڵێکی هاوبەش بگێرن لە ئاسایشی ناوچەکەدا، شەرع جەختیشی کردەوە لەوەی، پێویستە  بۆردومان و هێرشکردن کۆتایی پێبێت.

لێدوانەکەی ئەحمەد شەرع  لە کاتێکدایە، بەگوێرەی میدیاکانی ڕۆژئاوا، لە چەند هەفتەی ڕابردوودا، بەرپرسانی ئیسرائیل و سووریا بە ئامانجی ڕاگرتنی شەڕ گفتوگۆی ڕاستەوخۆیان کردوە...