ترسە گەورەکەی ترەمپ لە شەڕەکەی هیندستان و پاکستان ئاشکرابوو

نها نیوز - هەواڵەکان 

ترەمپ بەهۆی ترسی چەکی ئەتۆمی نێوەندگری لە ئاگربەستی نێوان هیندستان و پاکستان کردووە.

رۆژنامەی وۆڵ ستریت جۆرناڵ سەبارەت بە ئاگربەستەکەی هیندستان و پاکستان، بڵاویکردەوە و تیایدا هاتووە "ترەمپ ترساوە هیندستان و پاکستان چەکى ئەتۆمى دژى یەکتر بەکاربهێنن".

ئاماژە بەوەش دراوە، ترەمپ ئەو ترسەى نەشاردووەتەوە و لاى یاریدەدەرەکانى باسیکردووە.

رۆژنامەکە ئەوەشی خستوەتە روو، بەهۆى ترسى ترەمپەوە مارکۆ رۆبیۆ وەزیرى دەرەوەى ئەمریکا پەیوەندى بە بەرپرسانی باڵای هیندستان و پاکستانەوە کردووە.

هاوکات وەزیری دەرەوەی ئەمریکا داواشی لێکردوون کۆتایی بە ململانێکان بهێنن.