نهانیوز-هەواڵەکان
ئەمڕۆ دووشەممە ڤاتیکان ئامادەکارییەکانی دەستپێکرد بۆ هەڵبژاردنی پاپایەکی نوێ بۆ شوێنی پاپا فرانسیس کە لە تەمەنی 88 ساڵیدا کۆچی دوایی کرد.
پرۆسەی هەڵبژاردنی پاپای نوێ لە نهێنیترین پرۆسەکانی جیهانە.
بەپێی ڕاپۆرتە ڕۆژنامەوانییەکان، بڕیارە لانیکەم دوو هەفتەی دیکە پرۆسەی دەنگدان دەستپێبکات، بەمەش کاتێکی پێویست دەدات بە کاردیناڵەکان بۆ ئەوەی بگەنە ڕۆما.
کامێرلینگۆ (سکرتێری کەنیسەی ڕۆمانی کاسۆلیکی پیرۆز) بە ئامادەبوونی ژمارەیەکی سنووردار لە ئەندامانی بنەماڵەی پاپا، بەپێی پرۆتۆکۆڵە دامەزراوەکان، کۆچی دوایی پاپای ڕاگەیاند. پاشان ماوەی ماتەمینی فەرمی بۆ ماوەی نۆ ڕۆژ دەستی پێکرد.
"کۆنکلاڤەکە" 120 کاردیناڵی ژێر تەمەنی 80 ساڵ لەخۆدەگرێت، ڕۆژانە لە شوێنی نیشتەجێبوونیان لە سانتا مارتا بۆ کەنیسە سیستینەکانی ناو ڤاتیکان گەشت دەکەن، دانیشتنەکانی دەنگدان لەوێ بەڕێوەدەچن.
بەکارهێنانی تەلەفۆن، ئینتەرنێت، یان چوونە ناو میدیاکان بە تەواوی قەدەغەکراون و تا پاپای نوێ هەڵدەبژێردرێت، تووشی گۆشەگیرییەکی تەواو دەبن.
یاساکانی کڵێسا باس لەوە دەکەن هەر کاندیدێک دەبێت دوو لەسەر سێی دەنگی کاردیناڵەکان بەدەستبهێنێت بۆ ئەوەی ببێتە پاپا.
ئەگەر ئەمەش دوای چەند خولێک نەتوانرا، ژمارەی کاندیدەکان بۆ دوو کاندید کەم دەکرێتەوە، هەڵبژاردنەکەش بە زۆرینەی سادە دەکرێت.
تا ئەو کاتەی دوکەڵی سپی شووشەی کەنیسەی سیستین ئاماژەی پێدەکرێت هیچ شتێک بە فەرمی ڕاناگەیەنرێت، لەکاتێکدا دوکەڵی ڕەش ئاماژەیە بۆ شکستی گەشتەکە.
هەر کاردیناڵێک یاساکانی کڵێسا پێشێل بکات، دەستبەجێ ڕووبەڕووی دەرکردن دەبێتەوە.
لەگەڵ کۆچی دوایی یەکەم پاپای غەیرە ئەوروپی لە ماوەی چەند سەدەیەکدا، جیهان بە تامەزرۆییەوە چاوەڕێی پاپای داهاتوو دەکات، لە نێوان تەحەددای ناوخۆیی پەیوەست بە یەکگرتوویی کەنیسە و تەحەددای دەرەکی پەیوەست بە پەیوەندییەکانی لەگەڵ جیهانی ئیسلامی و گفتوگۆی نێوان ئایینەکان و سیاسەتە کۆمەڵایەتییەکان.