لە هێرشێکی ئەمریکا بۆ یەمەن ژمارەیەک لە هێزەکانی سوپای پاسدارانی ئێران کوژران

نهانیوز-هەواڵەکان

موعەمەر ئەلئەریانی وەزیری ڕاگەیاندنی حکومەتی یەمەن ڕایگەیاند کە 70 حوسی لەوانیاندا فەرماندەی ئەو تاقمە و هێزەکانی سپای پاسداران کوژراون.

ڕۆژی شەممە 6ی نیسان کەناڵی تەلەفزیۆنی (ئەلیەمەن) بە پشتبەستن بە وەزیری حکومەتی ئەو وڵاتە، هێرشەکەی ئەمریکای بۆ سەر میلیشیاکانی حوسی پشتڕاستکردەوە شوێنێک لە باشووری ناوچەی کەنار دەریای ئەلفەزا لە پارێزگای ئەلحودەید، و لەم هێرشەدا 70 سەبازی حوسییەکان لە ناویاندا فەرماندە و هێزەکانی سوپای پاسداران کوژراون.

ئەلئەریانی لە بەیاننامەیەکی ڕۆژنامەوانیدا ڕوونیکردەوە، بەپێی سەرچاوە مەیدانییە باوەڕپێکراوەکان، هێرشەکە خاڵێکی کردووەتە ئامانج کە "بۆ پلاندانان بۆ هێرشە تیرۆریستییەکان دژی کەشتییە بازرگانییەکان و تانکەرەکان لە دەریای سوور و باب ئەلمەندەب و کەنداوی عەدەن بەکارهێنراوە".

پێشتر ڕاوێژکاری ئاسایشی نیشتمانی کۆشکی سپی ڕایگەیاندبوو کە ڕاوێژکارە سەربازییەکانی کۆماری ئیسلامی و کەرەستەی دیکەی پێوەندیدار بە هێرشەکانی حوسییەکان بۆ سەر ئابووری جیهانی لە ئامانجە ئەگەرییەکانی ئەمریکا لە هێرشە سەربازییەکان بۆ سەر یەمەن بوون.

دۆناڵد ترەمپ، سەرۆکی ئەمریکا، هۆشداریشی دابوو کە لەمەودوا هەر تەقەکردنی حوسییەکان لە یەمەن، ڕاستەوخۆ بە کردەوەیەک دادەنرێت کە دەگەڕێتەوە بۆ کۆماری ئیسلامی ئێران و لێکەوتەی جیددی بۆ تاران دەبێت.


ترەمپ زیادی کرد: نابێت کەس گێل بکرێت! "ئەو سەدان هێرشەی حوسییەکان، کە بنکەکانیان لە یەمەنە و لەلایەن گەلی یەمەنەوە ڕقیان لێیە، هەموویان لە ئێرانەوە سەرچاوە دەگرن و ئاڕاستەیان دەکات".

سوپای ئەمریکا لە 15ی  ئازاری 2024ەوە لە ئۆپەراسیۆنێکی بەرفراواندا دەیان پێگەی حوسییەکانی لە یەمەن کردووەتە ئامانج.