نها نیوز – هەواڵەکان
سەرچاوە ڕۆژنامەوانییەکان ئاشکرایانکردووە، نزیکەی 450 چەکداری هێزەکانی سووریای دیموکرات (هەسەدە) وەک وەجبەی یەکەم حەلەبیان بەجێهێشتووە. ئەمەش لە چوارچێوەی ڕێککەوتنی بەرایی نێوان ئیدارەی نوێی سووریا و هێزەکانی سووریای دیموکرات دێت کە لە ڕێککەوتنەکەدا ئاماژە بەوە کراوە ئەو هێزە بەناو ئاساییانەی لە گەڕەکی شێخ مەقسوود و ئەشرەفیەی حەلەب دەگۆڕدرێن بۆ هێزی ئاسایشی گشتی، کە لە ژێردەستی ئیدارەی خۆسەرن.
بەگوێرەی سەرچاوە سوورییەکان، لە ڕێککەوتنەکەدا مەرجی ئازادکردنی 170 دیل لە هێزەکانی سووریای دیموکرات و نزیکەی 400 دیل لە بەڕێوبەرایەتی گشتی ئاسایش و کوتلەکانی دیکە دیاریکراوە.
هێزەکانی سووریای دیموکرات (هەسەدە) ڕۆژی هەینی کشانەوەی خۆیان لە حەلەب دەستپێکرد، یەکەم کاروانی سەربازی بە سەرپەرشتی وەزارەتی بەرگری سووریا بەرەو ڕۆژهەڵاتی ڕووباری فورات بەڕێکەوت.
سوپای عەرەبی سووریا (سانا) بڵاویکردەوە، یەکەکانی سوپای عەرەبی سووریا گەیشتوونەتە پەراوێزی ئەو ناوچانەی پێشتر لەلایەن هێزەکانی سووریای دیموکرات (هەسەدە) لە حەلەب کۆنتڕۆڵکرابوون، بۆ دەستەبەرکردنی ئەو ڕێگایەی کە کاروانە ڕۆیشتنەکە دەیگرێتەبەر، لە گەڕەکەکانی شێخ مەقسود و ئەشرەفیەوە بەرەو ڕۆژهەڵاتی فورات بەڕێکەوتبوون.
ڕۆژی 10ـی ئازار، سەرۆکایەتیی سووریا واژۆکردنی ڕێککەوتنێکی بۆ تێکەڵکردنی هێزەکانی سووریای دیموکرات لە دامەزراوەکانی دەوڵەتدا ڕاگەیاند، هاوکات یەکڕیزی وڵاتەکەی دووپاتکردەوە و دابەشکردنیشی ڕەتکردەوە.
ڕێککەوتنەکە لەلایەن ئەحمەد شەرع سەرۆکی سووریا و فەرهاد عەبدی شاهین، فەرماندەی بەناو هێزەکانی سووریای دیموکراتی کوردستانەوە واژۆ کرا.