هاکان فیدان: نامانەوێت ڕووبەڕووبوونەوە لەگەڵ ئیسرائیل لە سووریا ڕووبدات
نها نیوز – هەواڵەکان
وەزیری دەرەوەی تورکیا ئاشکرایکردووە، تورکیا نایەوێت هیچ ڕووبەڕووبوونەوەیەک لەگەڵ ئیسرائیل لە سووریا ڕووبدات، دوای ئەوەی دووبارە هێرشەکانی ئیسرائیل بۆ سەر شوێنە سەربازییەکانی دووبارە کردەوە.
هاکان فیدان، وەزیری دەرەوەی تورکیا لە چاوپێکەوتنێکدا لە پەراوێزی کۆبوونەوەی وەزیرانی دەرەوەی ناتۆ لە برۆکسل، ئاماژەی بەوەدا کە کردەوەکانی ئیسرائیل لە سووریا ڕێگا بۆ ناسەقامگیری داهاتووی ناوچەکە خۆش دەکات.
ئاماژەی بەوەشکردووە، ئەگەر ئیدارەی نوێی دیمەشق کە هاوپەیمانێکی نزیکی تورکیایە، بیەوێت لەگەڵ ئیسرائیل "لێکتێگەیشتنێکی دیاریکراو" بکات، ئەوە کاروباری خۆیەتی.
هاکان فیدان وەزیری دەرەوەی تورکیا جەختی لەوەشکردووەتەوە، کردەوەکانی ئیسرائیل لە سووریا ڕێگە خۆشدەکات بۆ ناسەقامگیری ناوچەکە لە داهاتوودا.
ئەوەش لە کاتێکدایە ئیسرائیل لە شەوی چوارشەممەووە تا پێنجشەممە هێرشە ئاسمانییەکانی بۆ سەر سووریا چڕتر کردەوە و هێرشەکانی بە هۆشداری بۆ دەسەڵاتدارانی نوێی دیمەشق ناساند و ئەنقەرەی بە هەوڵدان بۆ سەپاندنی کۆنترۆڵی خۆی بەسەر سووریادا تۆمەتبار کرد.
|