مەسک حکومەتەکەی ترەمپ جێدەهێڵێت

نها نیوز - هەواڵەکان

بەپێی هەواڵێکی پێگەی پۆلیتیكۆ، ئیلۆن مەسك كابینەی حكومەتەكەی ترەمپ بەجێدەهێڵت.

پێگەی "پۆلیتیکۆ" لەزاری چەند سەرچاوەیەكی ئاگادارەوە ئاشکرایکردووە "دۆناڵد ترەمپ، سەرۆکی ئەمریکا، بازنەی نزیكی کابینەکەی ئاگادار کردووەتەوە، ئیلۆن مەسک دەستبەرداری رۆڵی دەبێت لە حکومەت و دەگەڕێتەوە بۆ پیشەكەی خۆی".

ئەوەش رونکراوەتەوە "ترەمپ لە مەسک و بەڕێوەبردنی وەزارەتی لێهاتویی حکومەتەکەی رازییە، بەڵام لەچەند رۆژی رابردودا بڕیاریان داوە، كە کاتی ئەوە هاتوە مەسک بگەڕێتەوە بۆ بەڕێوەبردنی کارەکانی، لەهەمانکاتدا رۆڵی پاڵپشتی دەگێڕێت".

سەرچاوکان وتوشیانە "کشانەوەی چاوەڕانكراوی میسک لە کاتێکدایە، بێزاری لەناو ئیدارەی ترەمپ و هاوپەیمانە بیانییەکانی لە هەڵكشاندایە، بەهۆی هەڵسوکەوتە پێشبینینەکراوەکانی، کە زۆرێکیان وەک بارگرانی سیاسی تەماشای دەکەن".