نها نیوز-هەواڵەکان
وەزارەتی بەرگری ئەمەریکا ناردنی فڕۆکەی جەنگی نوێی بۆ ڕۆژهەڵاتی ناوەڕاست ئاشکراکردووە، بە فەرمانی پیت هێگس وەزیری بەرگری ئەمەریکا لەگەڵ پەرەسەندن و بەرزبوونەوەی گرژییەکان لەگەڵ ئێران.
پیت هێگس وەزیری بەرگری ئەمەریکا شوێنی مەبەست و جۆری فڕۆکەکەیان ئاشکرانەکردووە، بەڵام بەرپرسانی ئەمەریکا بە ئاژانسی ڕۆیتەرزیان ڕاگەیاندووە، هەفتەی ڕابردوو تا شەش فڕۆکەی بۆمبڕێژکراوی جۆری B-2 گواستراونەتەوە بۆ بنکەیەکی سەربازی ئەمریکا و بەریتانیا لە دوورگەی دیێگۆ گارسیا لە زەریای هیندستان.
شارەزایان دەڵێن فڕۆکەی B-2 خاوەنی تەکنەلۆژیای خۆدزینەوەیە لە ڕادارە و تەیارە بۆ هەڵگرتنی قورسترین بۆمب و چەکی ئەتۆمی.
هاوکات، فەرماندەیی ستراتیجی ئەمریکا ڕەتیکردووەتەوە ژمارەی ئەو فڕۆکانە ئاشکرا بکات کە گەیشتوونەتە دیێگۆ گارسیا بەڵام ڕاپۆرتەکان ئاماژە بە بوونی بەرچاوی هێزی ئاگرینی ئەمریکا لە ڕۆژهەڵاتی ناوەڕاست دەکەن و پێشبینی دەکرێت بەم نزیکانە سوپای ئەمریکا دوو فڕۆکە هەڵگری فڕۆکە هەڵگر لە ناوچەکەدا هەبێت.
ئەوەش لە کاتێکدایە سەرەتای ئەم هەفتەیە دۆناڵد ترەمپ، سەرۆکی ئەمریکا هەڕەشەی بۆردومانی ئێرانی کرد، ئەگەر تاران لەسەر بەرنامە ئەتۆمییەکەی لەگەڵ واشنتۆن نەگەیشتە ڕێککەوتن.
هێزی ئاسمانی ئەمریکا تەنها 20 فڕۆکەی بۆمبڕێژکراوی B-2 ی هەیە، بۆیە بەزۆری زۆر بەکارناهێنرێن.