ئیمام ئۆغڵو لە تورکیا دەنگەکانی دەگاتە لوتکە

نها نیوز - هەواڵەکان

ناوەندێکی توێژینەوەی سیاسی و راپرسییەکان رایگەیاند، دەستگیرکردنی ئیمام ئۆغڵو دەنگی جەهەپەی لەتورکیا زیادکردووە و بەپێی ئەنجامی دوایین راپرسیش جەهەپە بە جیاوازیی دوو خاڵ لە پێشە.
 
ناوەندی رۆژهەڵاتی ناوەڕاست بۆ توێژینەوەی سیاسی و راپرسییەکان (ORC) لە ئێکس ئەنجامی دوایین راپرسییەکەی بڵاوکردەوە کە تیایدا هاتووە "جەهەپە بە 2.1 خاڵ پێش ئاکپارتی کەوتووە".
 
بەپێی راپرسییەکە، جەهەپە بە بەدەستهێنانی 30.2٪ـی دەنگەکان، بە جیاوازیی 2.1 خاڵ پێش ئاکپارتی کەوتووە. ئاکپارتی بە رێژەی 28.1٪ لە پلەی دووەمدایە. مەهەپە بە 8.0٪ لە پلەی سێیەمە، دەم پارتی بە 7.5٪ لە پلەی چوارەمە، پارتی زافەر بە  5.1٪ لە پلەی پێنجەمە، ئیی پارتی 5.0٪، پارتی سەرلەنوێ رەفاهـ 4.3٪ و پارتەکانی دیکەش 11.8٪ دەنگیان بەدەستهێنا.
 
لەلایەکی دیکەشەوە، کۆمپانیای سێر-ئار (SER-AR) بۆ توێژینەوەی سیاسی و راپرسییەکان، راپرسییەکی هاوشێوەی کردبوو. لە ئەنجامدا جەهەپە بە بەدەستهێنانی 33.8٪ـی دەنگەکان، بە جیاوازیی 3.6٪ خاڵ پێش ئاکپارتی کەوتبوو. ئاکپارتی بە رێژەی 30.2٪ لە پلەی دووەمدا دەهات. دەم پارتی بە  10.4٪، مەهەپە 7.5٪ و پارتی زافەر 6.4٪ لە پلەکانی سێیەم تاوەکو پێنجەم دەهاتن.