خامنەیی هەڕەشەی تووند لە ئەمریکا و ئیسرائیل دەکات

نهانیوز-هەواڵەکان

ڕێبەری باڵای شۆرشی ئیلامی ئێران هۆشداری دەداتە ئەمریکا کە بە گورزێکی بەهێز و توند وەڵامی هەر هێرشێک بۆ سەر کۆماری ئیسلامی دەدەنەوە.

لە ئێران ئەمڕۆ وەک جەژنی ڕەمەزان ڕاگەیاندرا و نوێژی بە کۆمەڵ ئەنجام درا ، نوێژخوێنانی تاران بە بەرزڕاگرتنی یادی جەژنی ڕەمەزان لە مزگەوتەکانی ئیمام خومەینی، ئیمام حسێن، ڕەسولی ئەکرەم و شاعەبدولعەزیز کۆبوونەوە و نوێژی بە کۆمەڵی جەژنیان ئەنجام دا.

عەلی خامنەیی، ڕێبەری باڵای ئێران لە مزگەوتی ئیمام خومەینی پێشنوێژی نوێژی بە کۆمەڵی جەژنی کرد و لە وتارێکدا هۆشداری دایە ئەمریکا لە ئەگەری ئەنجامدانی هەر دەستدرێژییەک بۆ سەر وڵاتەکەی.

 عەلی خامەنیی وتیشی" هەڵوێستمان جێگیرە و نەگۆڕاوە، هەڕەشەی ڕەفتاری دوژمنکارانەمان لێ دەکەن. با بزانن هەر دەستدرێژییەک بکەن بە بێ گومان بە گورژێکی توند و هاوشێوە وەڵام دەدرێنەوە”.

وتیشی، ئەگەر دوژمنان وا هات بە خەیاڵیاندا کە لە ناو وڵاتدا ئاشوب دروست بکەن، ئەوا گەلی ئێران خۆی وەڵامیان دەداتەوە”.

جەختیشی لەوە کردەوە کە" گەلی ئێران ئامادەی وەڵامدانەوەی پتەوی دەبێت بۆ هەر هەوڵێک بۆ هاندانی ناتەبایی لە ناوخۆی وڵات".

ڕێبەری ئێران هۆشداریدا لەوەی" ئەمریکا گورزێکی توندی پێدەگات ئەگەر بە هەڕەشەکانی دۆناڵد ترەمپ کاربکات بۆ بۆردومانکردنی ئێران، ئەگەر لەگەڵ واشنتۆن نەگەنە ڕێککەوتنێکی نوێی ئەتۆمی".

خامنەیی جەختی لەوە کردەوە کە" ڕۆژئاوا لاوانی ئازادی ناوچەکە بە جێبەجێکردنی ئەجێندای بە وەکالەت تۆمەتبار دەکات، لە کاتێکدا هێزی بە وەکالەتی ڕاستەقینە ئیسرائیلە کە بۆ بەرژەوەندی کۆلۆنیالیستەکان کاردەکات". 

دەشڵێت" نەهێشتنی ئەم قەوارەیە لە ناوچەکە بەرپرسیارێتییەکی دەستەجەمعییە کە دەبێت هەمووان هەوڵی بەدەستهێنانی بدەن".