ترەمپ وادەی بڕیارە قورسەكان دژبە ئێران ئاشكرادەكات
نها نیوز – هەواڵەکان
راوێژكارێكی ترەمپ وادەی بڕیارە قورسەكان دژبە ئێران ئاشكرا دەكات و دەڵێت "تاران هەژموونی ناوچەیی لەدەستداوە".
مایك واڵتز، راوێژكاری ئاسایشی نیشتیمانی ئەمریكا ئاشکرایکرد "ئێران لە قۆناغی بەرگریدایە و كاریگەری ناوچەیی و بەرگری ئاسمانی لەدەستداوە".
واڵتز ئاماژەی بەوەشکرد، ئیدارەی ترەمپ بەنیازە لە مانگی داهاتوودا كۆمەڵێك بڕیاری یەكلاكەرەوە دژبە ئێران دەربكات و "ئەوەش كاتێكی گونجاوە".
وتەکانی ئەو راوێژکارەی ترەمپ لەکاتێکدایە، کە سەرۆکی دەستبەکاربووی ئەمریکا لە مانگی تشرینی دووەمی ساڵی رابردوو رایگەیاند، ئەمریكا هەوڵی زیانگەیاندن بە ئێران نادات، بەڵام رێگەش نادات ببێتە خاوەنی چەكی ئەتۆمی.
|