دوای 15 مانگ لە شەڕ، ئەمڕۆ ڕێککەوتنی ئاگربەست لە غەززە دەچێتە بواری جێبەجێکردنەوە

نها نیوز - هەواڵەکان

ڕێککەوتنی ئاگربەست لە کەرتی غەززە بەیانی ئەمڕۆ یەکشەممە، 19 کانوونی دووەم، 2025، لە کاتژمێر 8:30 خولەکی بەیانی فەلەستین و 6:30 خولەک بەکاتی ئەمریکا دەستیپێکرد.

ڕێککەوتنەکە کە لە نێوان ئیسرائیل و حەماس بە نێوەندگیری قەتەر گەیشتووە، ئاگربەست و هەروەها ئازادکردنی بارمتە ئیسرائیلییەکانی لە غەززە و ئازادکردنی دیلەکانی فەلەستینی لە ئیسرائیل لەخۆدەگرێت.

پێشبینی دەکرێت ئەم ڕێککەوتنە ڕێگە بە هاتنە ناوەوەی هاوکاری مرۆیی بۆ کەرتی غەززە بدات، کە ڕێکخراوەکانی فریاگوزاری ئامادەکاری دەکەن بۆ دابینکردنی پێداویستییە پێویستەکان و دەسەڵاتدارانی میسریش هەوڵەکانیان لەو دیو سنوورەکان چڕتر کردووەتەوە.