سوپای ئەمریكا بنكەی سەربازی لە كۆبانی دروستدەكات

نها نیوز - هەواڵەکان

بەپێی ماڵپەڕی سکای نیوز، نزیکەی پێنج ساڵ لە کشانەوە سوپای ئەمریکا دەگەڕێتەوە شاری کۆبانێ.

ماڵپەڕی سکای نیوز بڵاویکردووەتەوە، دوای نزیکەی پێنج ساڵ لە کشانەوە، سوپای ئەمریکا دەگەڕێتەوە شاری کۆبانی لە باکوری سوریا، هەروەها هاوپەیمانی نێودەوڵەتی بە سەرۆکایەتی ئەمریکا دەستیکردووە بە دامەزراندنی بنکەیەک لە ناوەندی شارەکەدا.

بەپێی زانیارییە ئاگادارەکان، هێزەكانی ئەمریكا كەرەستەی لۆجستی رەوانەی كۆبانی کردووە بۆ دروستكردنی بنكەیەكی سەربازی لەناو ناوەندی ئەو شارە.

هەر بەگوێرەی زانیارییەکان، ئەمە یەكەمجارە هێزەكانی ئەمریكا لەدوای ساڵی (2019)وە دەگەڕێنەوە بۆ ناو شاری كۆبانی. 

هاوکات یەکێک لە شۆفێرەکانی ئەو بارهەڵگرە ئەمریکیانە وتویەتی، نزیكەی (50 بۆ 70) بارهەڵگردەبین بەڕێوەن بۆ هێنانی كەرەستەی لۆجستی، بۆ بونیادنانی بنكەی سەربازی سوپای ئەمریكا.