بەلەمێکی کۆچبەران نقومبوو لەنێویدا ژن و منداڵ هەن
نها نیوز – هەواڵەکان
ڕاپۆرتە ڕۆژنامەوانیەکانی تونس ڕایانگەیاندووە، لە کەناراوەکانی رۆژئاوای تونس بەلەمێک نوقمبوو، کە کۆمەڵێک کۆچبەری وڵاتانی ئەفریقایان تێدا بووە و ویستوویانە بە رێگای قاچاخ خۆیان بگەیەننە وڵاتانی ئەوروپا.
زیاد سدەیری، بەڕێوەبەری بەرگریی شارستانیی تونس بە ئاژانسی "فرانس پرێسـ"ی رایگەیاندووە، لە کەناراوەکانی رۆژئاوای تونس بەلەمێک نوقمبوو و بەوهۆیەوە 27 تەرم دۆزراونەتەوە کە ژن و منداڵیش هەن، دەشڵێت، تیمەکان توانیویانە 83 کەس لە کۆچبەرانی نێو بەلەمەکان لە مردن رزگاربکەن و، 15 کەسیش بۆ نەخۆشخانە گوازراونەتەوە".
ئاماژەی بەوەشکردووە، تائێستاش پرۆسەی گەڕان بەدوای کۆچبەرە ونبووەکانی دیکەدا بەردەوامە.
|