لە شاری نیو ئۆرلینزی ئەمریکا بارهەڵگرێک خۆی بەناو خەڵکیدا کرد و 40 کەس بوونە قوربانی

نها نیوز – هەواڵەکان 

ڕۆژی چوارشەممە، میدیاکانی ئەمریکا بڵاویانکردەوە، لە ڕووداوێکدا لە شاری نیو ئۆرلینز، 10 کەس گیانیان لەدەستداوە و 30 کەسیش برینداربوون، هاوکات ئاشکرایانکردووە، شۆفێری بارهەڵگرەکە دوای ئەوەی خەڵکەکەی شێلاوە تەقەی کردووە.

کەناڵی سی بی ئێس لە زاری پۆلیس و شایەتحاڵەکانەوە ڕایگەیاندووە، "بەلایەنی کەمەوە 10 کەس گیانیان لەدەستداوە و 30ی دیکەش برینداربوون، دوای ئەوەی ئۆتۆمبێلێک خۆی کێشا بە قەرەباڵغییەکی پیادە لە شاری نیو ئۆرلینز لە ئەمریکا".

پۆلیس و شایەتحاڵەکان دەڵێن "شۆفێری بارهەڵگرەکە لە شاری نیو ئۆرلینز دوای ئەوەی خۆی بە خەڵکەکەدا کێشا و تەقەی کردووە".

دواتر پۆلیسی نیو ئۆرلینز ئاماژەی بەوەکردووە، "ئێمە مامەڵە لەگەڵ ڕووداوێک دەکەین کە ژمارەیەکی زۆر قوربانی لێکەوتووەتەوە، دوای ئەوەی ئۆتۆمبێلێک خۆی بە قەرەباڵغی خەڵکدا کێشاوە"، پشتڕاستیکردەوە کە "10 کوژراو و 30 بریندار هەبووە".