سووریا.. ڕاسپاردنی یەکەم ژن بۆ پۆستێکی باڵا بەشێوەیەکی کاتی
نها نیوز – هەواڵەکان
میدیاکانی سووریا ئەمڕۆ دووشەممە ڕایانگەیاندووە، مەیسا سابرین بۆ بەڕێوەبردنی کارەکانی بانکی ناوەندی سووریا ڕاسپێردراوە و یەکەم ژنە کە ئەم پۆستە بەدەستەوەیە.
سابرین، کە خاوەنی بڕوانامەی ماستەر و دکتۆرایە لە ژمێریاریدا، پێشتر پۆستی جێگری یەکەمی پارێزگاری بانکی ناوەندی سووریای وەرگرتبوو، لە مانگی تشرینی یەکەمی ساڵی 2018ەوە.
هەروەها لە مانگی کانوونی دووەمی 2018 پۆستی سەرۆکی بەشی کۆنترۆڵکردنی فەرمانگەی لە بانکەکەدا هەبووە، و ئەندامی دەستەی بەڕێوەبەری بۆرسەی دیمەشق بووە، کە نوێنەرایەتی بانکی ناوەندی دەکات.
هاوکات، ڕۆژی هەینی بەشی کاروباری سیاسی حکومەتی چاودێرانی سووریا دەستنیشانکردنی عائیشە ئەلدێبسی وەک بەرپرسی فەرمانگەی کاروباری ژنان ڕاگەیاند و یەکەم ژنە کە پۆستێکی فەرمی لە ئیدارەی نوێی سووریادا هەبێت.
|