پزیشکیان: دەبێت پشتیوانی لە حکومەتێکی مەدەنی لە سووریا بکرێت

نها نیوز – هەواڵەکان

 سەرۆک کۆماری ئێران جەختی لەوە کردەوە دەبێت پشتیوانی لە حکومەتێکی مەدەنی لە سووریا بکرێت کە مافی هاووڵاتیانی مەدەنی لەبەرچاو بگرێت و جیاوازییە ئایینی و نەتەوەییەکانی دیمەشق و ڕێزی لێ بگیرێت.

مەسعوود پزیشکیان سەرۆک کۆماری ئێران لە وتارێکدا لە دانیشتنی تایبەتی بارودۆخی فەلەستین و لوبنان، لە چوارچێوەی چالاکییەکانی یازدەهەمین لوتکەی ڕێکخراوی هەشت وڵاتی گەشەسەندوو بۆ هاوکاری ئابووری، ئێوارەی ڕۆژی پێنجشەممە لە قاهیرە، خوازیاری "پێویستی گوشار خستنە سەر ئیسرائیلییەکان" بوو بۆ دڵنیابوون لە کشانەوەی هێزەکانی لە کەناری ڕۆژئاوا و کەرتی غەززە، و دەستڕاگەیشتن بە یارمەتییە مرۆییەکان بە شێوەیەکی گونجاو و دەستبەجێ بۆ کەرتی غەززە.

پزیشکیان ڕایگەیاند: "هاتنە ناوەوە و دەستدرێژیی ئیسرائیل بۆ سەر غەززە و تاوانەکانی" بۆ دوو ساڵ لەسەریەک بە هەموو پێوەرەکان "تاوانە"، ئاماژەی بە "دزینی مافە سەرەتاییەکان لە گەلی فەلەستین" کرد، وەک ماف بۆ چارەی خۆنووسین، مافی پەروەردە و ئاسایشی خۆراک، و کاریگەرییەکانی لەسەر ژێرخانی غەززە بە تەواوی".

سەرۆک کۆماری ئێران داوای لە وڵاتانی عەرەبی و ئیسلامی کرد "میکانیزم بۆ ئاوەدانکردنەوەی غەززە دابنێن، هەروەها دڵنیابن لە هەموو ئەو ڕێکخستنانەی کە ئەو کەرتە پێویستی پێیەتی بۆ بوژانەوە لە ئایندەیەکی نزیکدا"، دەشڵێت: ئێران پشتیوانی لە هەموو چارەسەرە ئەگەرییەکان دەکات کە یارمەتیدەرە بۆ درێژکردنەوەی سەروەری فەلەستین، بۆئەوەی خەڵکی فەلەستین بتوانن مافە ڕەواکانی خۆیان بەدەستبهێنن.