راگەیاندراوى هەسەدە لەبارەى هێرشى تورکیا بۆ سەر کۆبانێ
نها نیوز – هەواڵەکان
هێزەکانی سوریای دیموکرات ئاشکرایانکردووە، تائێستا هێرشەکانی سوپای تورکیا بۆ سەر رۆژئاوای کوردستان بەردەوامن.
هێزەکانی سووریای دیموکرات (هەسەدە) بەیانامەیەکی بڵاوکردەوە و ڕایگەیاندووە، ئەوان لەگەڵ هێورکردنەوەی دۆخەکەن لەناوچەکەدا بەهاوکاری ئەمریکا، بەڵام هێزەکانی تورکیا هەوڵدەدەن ئاگربەست بۆ درێژەدان بە پیلانەکانیان بقۆزنەوە
ئاماژەی بەوەشکردووە، سوپای تورکیا شەوی رابردوو چەندین هێرشیان لە دەوروبەری کۆبانێ و بەنداوی تشرین و عەین عیسا ئەنجامداوە.
لە ئێوارەی دوێنێ سێشەممەوە لە سێ میحوەرەوە بە فڕۆکەی بێفڕۆکەوان بەنداوی تشرین بۆردومانکراوە، لەبەرامبەردا لەلایەن شەڕکەرانی ئەنجومەنی سەربازیی منبجەوە بە توندی وەڵامدرانەوە.
بەوتەی هەسەدە، تورکیا تائێستا پابەندنەبووە بە ئاگربەستەوە، بەڵکو هەوڵدەدات وەک دەرفەت بیقۆزێتەوە بۆ ئەنجامدای هێرش و پەلامارەکانیان.
|