نها نیوز – هەواڵەکان
مایک جۆونسۆن، سەرۆکی ئەنجوومەنی نوێنەرانی ئەمەریکا لە لێدوانێکی ڕۆژنامەوانیدا ڕایگەیاند، دۆناڵد ترەمپ، کاندیدی کۆمارییەکان بۆ هەڵبژاردنی سەرۆکایەتی، زۆرینەی دەنگەکانی بە دەستهێناوە و بووەتە 47ـەمین سەرۆکی ویلایەتە یەکگرتووەکانی ئەمەریکا.
هەرچەندە بە شێوەیەکی فەرمی ئەنجامی هەڵبژاردنی سەرۆکایەتیی ئەمەریکا ڕانەگەیەندراوە، بەڵام تۆڕی هەواڵی "فۆکس نیوز"ـیش سەرکەوتنی ترەمپی پشڕاست کردووەتە و دەڵێت، ترەمپ زیاتر لە 277 کورسیی کۆمەڵەی هەڵبژاردنی سەرۆکایەتیی بەدەستهێناوە و بووەتە سەرۆکی نوێی وڵاتەکە.
ئەنجامی بەرایی ژمارەی کورسییەکانی ئەنجوومەنی پیران بەم جۆرەن:
- پارتی کۆمارییەکان: 51 کورسی
- پارتی دیموکراتەکان: 41 کورسی
ئەنجامی بەرایی ژمارەی کورسییەکانی ئەنجوومەنی نوێنەران:
- پارتی کۆمارییەکان: 190 کورسی
- پارتی دیموکراتەکان: 159 کورسی