ترەمپ: ئامادەم دان بە شکستەکەمدا بنێم
نها نیوز - هەواڵەکان
دۆناڵد ترەمپ کاندیدی کۆمارییەکان بۆ پۆستی سەرۆکایەتیی ئەمریکا رایدەگەیەنێت، ئامادەیە دان بە شکستەکەیدا بنێت بەرامبەر کامالا هاریس ئەگەر هەڵبژاردنەکە دادپەروەرانە بێت.
ئەمڕۆ سێشەممە، دۆناڵد ترەمپ کاندیدی کۆمارییەکان بۆ کۆشکی سپی لە کۆنگرەیەکی رۆژنامەنووسیدا وتی "ئامادەم دان بە شکستەکەمدا بنێم بەرامبەر کامالا هاریس، ئەگەر هەڵبژاردنەکە دادپەروەرانە بێت".
ترەمپ دەڵێت "ئەگەر هەڵبژاردنێک بدۆڕێنم، ئەگەر دادپەروەرانە بێت، یەکەم کەس دەبم دانی پێدا بنێم، تا ئێستا، وابزانم دادپەروەرانە بووە".
وتیشی "بیستوومە دۆخمان لە هەڵبژاردن تا ئێستا باشە".
ئەمڕۆ هەڵبژاردنی گشتی بۆ سەرۆکایەتیی ئەمریکا لە ویلایەتە یەکگرتووەکان بەڕێوەچوو; رکابەرییەکی بەهێز لەنێوان هەریەکە لە کامالا هاریس، کاندیدی دیموکراتەکان و دۆناڵد ترەمپ، کاندیدی کۆمارییەکانە.
|