سبەی خوێندكارانی زانكۆی سلێمانی خۆپیشاندان ئەنجامدەدەن
ئاژانسی نها: ژووری هەواڵ
بڕیارە سبەی خوێندكارانی زانكۆی سلێمانی لەبەردەم كەمپی نوێی زانكۆ كۆبونەوەیەكی نارازی ئەنجامبدەن و تیایدا داوای گەڕانەوەی دەڕماڵەكانیان بكەن و هاوكات داوای لابردنی رسوات دەكەن لەسەر خوێندكاران.
لە بەیاننامەیەكدا گروپی خوێندكارانی نارازی رایانگەیاند" داوای گەڕانەوەی دەرماڵە دەكەن بۆ سەرجەم خوێندكارانی زانكۆ و پەیمانگاكان دەكەن كە ساڵانێكە برَِدراوە بەهۆی قەیرانی داراییەوە و لە ئێستادا قەیران كۆتایی هاتووە ".
روونیدەكاتەوە" داوای لابردنی سەرجەم باج و رسوماتەكان دەكەن لەسەر خوێندكاران ".
لای خۆیەوە محەمەد ئازاد خوێندكاری بەشی كارگێڕی كار لە زانكۆی سلێمانی بە ئاژانسی نها-ی راگەیاند" لە ساڵانی رابردوودا دەرماڵەی خوێندكاران بڕدرا بەهۆی قەیرانی داراییەوە بەڵام لە ئێستادا قەیران بوونی نییە و حكومەت هیچ بیانویەكی بۆ نەدانی دەرماڵە نییە".
|