وتار

بەڵێ نەوشیروان مستەفا ویستی بەنداوەکە بتەقێنێتەوە

کەژاڵ نوری

لە سەروبەندی تەقینەوەی باسەکانی کتێبەکەی مەلا بەختیار و چاوپێکەوتنەکەی لەگەڵ روداودا مەلا بەختیار باسێکی وروژاندووە ئەویش تەقاندنەوەی بەنداوەکەی دەربەندیخانە بە دەستی نەوشیروان ، گۆڕانخوازان نکولی لێدەکەن، بەڵام چالاکوانێک دەڵێ ئێمەی خەڵکی شار شایەتین کە قسەکانی مەلا بەختیار راستە..

کەژاڵ نوری لە لاپەڕەی تایبەتی خۆی لە تۆڕی کۆمەڵایەتی فەیسبووک ئەم نوسینەی بڵاو کردۆتەوە و نوسیویەتی،،

گۆڕانخوازان ، جوان ئەم پۆستەم بخوێننەوە . 

بەڵێ نەوشیروان موستەفا بوو ، وە فەرمانی بەرەی کوردستانی جێبەجێکرد ، بڕواناکەن وەرن لە خەڵکی دەربەندیخان بپرسن ئێوە هەر بڕوا مەکەن،  بەڵام لای خەڵکی دەربەندیخان دوێنێ بوو.

لە هەڵمەتی هەڵبژاردنە پەرلەمانیەکەی 19-5-1992 بوو ، لە مانگی ئایاردا نەوشیروان موستەفا هاتە دەربەندیخان و لەسەربانی کۆمیتەی دەربەندیخان قسەی بۆ خەڵک ئەکرد، لێیان پرسی : کاک نەوشیروان راستە ئەڵێن ئێوە مەحەتەی کارۆمائیەکەی دەربەندیخانتان تەقاندۆتەوە ؟ کاک نەوشیروان وتی : بەڵێ ئێمە بووین و پێشمان بکرایە بەنداوەکەشمان ئەتەقاندەوە . نەوشیروان موستەفا لە پاڵ هەر عەیبێکیدا پیاوێکی بێشەرم و سەریح و راستگۆ بوو ، بۆیە کاتی خۆی سڵی لەو پرسیارە نەکردەوەو لەبەردەم ئێمەی جەماوەری خەڵکی دەربەندیخاندا دانی پیانا ، بەڵام ئێستا شوێنکەوتەکانی لەدوای قسەکانی مەلابەختیار ترس و لەرز دایگرتوون و لە هەوڵی بە درۆخستنەوەی مەلا بەختیاردان ، گەلۆ ، گەلی براینە هەر هیچ نەبێ غیرەتی کاکەنەوەتان تیابێ و بڕێک جورئەت و غیرەتی دانپێدانان لە ئەوەوە وەرگرن، ئەگەر ئەوەشتان پێناکرێ وەرن لە ئێمەی دەربەندیخانییەکان بپرسن ، خۆ ئێمەی خەلقی شارەکە ئەزانین چی گوزەرا و زۆر لێتانەوە دوورنین و ئامادەشین بۆ وەڵام دانەوە ، بەڵێ مەلا بەختیار راست ئەکات ، بەفەرمانی بەرەی کوردستانی نەوشیروان  موستەفا تۆرباینیی مەحەتەی کارۆمائیەکەی دەربەندیخانی تەقادنەوە و ئێمە ئەو کاتە هێشتا لەناو شاردا بووین و وامزانی بۆمبای ئەتۆمیمان لێدرا ، بۆ شەوەکەی شارمان چۆڵ کرد بەرەو سنوری ئیران هەڵاتین . 

نەفرەت لە خۆتان و شۆڕشێک کردتتان ، خەریکبوو پێنج شاری کوردی لێوان لێو لەخەڵکی سڤیل و مەدەنی بەگەورە و بچوکەوە ،  هەر لەدەربەندیخانەوە هەتا جەلەولا و باقووبە لە لە ملیارەها مەتر سێجای ئاوی بەنداوێکدا بخنکێنن . 

پاساوی نەوشیروان موستەفا بۆ ئەو کارەقێزەونە دوو شت بوو . یەکەم شارەکانی باشوری عیراق ئەوانەی کە دەکەونە سەر رێڕەوی بەنداوەکە لەتۆڵەی ئه‌نفالدا بخنکێنن ، وە وتبوویان با چەند شارێکی کوردیشی بەرکەوێ،  بەڵام بەمە تۆڵەی ئەنفال دەکەینەوە. دووەم رۆژی تەقاندنەوەکەی ئەو کاتە بوو کۆڕەومان کرد بەرەو سنوری ئێران و سوپای عیراق هاتەوە ،  گوایە بە عەقڵی پووچی بەرەی کوردستانی،  تەقاندنەوەی بەنداوەکە بەو ئاوە زۆرەوە دەبێ بەهۆی رێگری کردن و دواخستنی لەشکرکێشی سوپای ئەوکاتەی رژێمی عیراق و هەتا ئەوان دەگەنە ناو شارەکانی هەرێم خەڵک لە شارەکان چوونەتە سەر سنور ، گوایە رێگری ئەکەن لە ئەنفالێکی تر ، بەڵام عەقڵەپووچەکەیان گوێی بەوە نەدابوو ، تەقاندنەوەی بەنداوەکە تەواوی شاری دەربەندیخان و کەلار و کفری و خانەقین و جەلەولا و باقوبە کە هەموویان شاری کوردین لە پێشدا نوقمی ملیارەها مەتر سێجا ئاودەبن و دەخنکێن ، ئینجا ئاوەکە دەگات بە شارە عەرەبیەکان ، وە ئەمە نەک ئەبێ بە رێگری لە ئەنفالێکی تر بەڵکو پێش گەیشتنی سوپای عیراق خودی پێنج شار لە ئاودا نقوم ئەبن و ئەخنکێن .

 ئەم حیزبە چەتانەی کوردی باشور ، بۆئەوەی خەڵکی ناوچەکانی سەرەوەی دەربەندیخان رزگارکەن ، ویستیان باج بە سەدان هەزار دانیشتووی دەربەندیخان و کەلار و ناوچەکانی تری سەر رێڕەوی ئاوەکە بدەن ، عەقڵیی کورتییان بایەخی بەو سەدان هەزار دانیشتووەی شارە کوردییەکانی سەر رێڕەوی بەنداوەکە نەدابوو، چەتە بازرگانەکانی نەوت و دەرمان .
نەفرەت لە راپەڕین .

تێبینی : کاک شەهاب تۆفیق ، خەڵکی دەربەندیخانە و  هاوڕێمە ئەڵێ ، یەکێک لەوانەی بەشداربوو لەو کاولکارییەدا ، وتی :- شۆفڵێک بێنن  با سەدەکە بڕوخێنین 😂😂😂 
 ئەی هەر شۆفڵەکە بە......
ژمارەی خوێنەر   ‌ 3804‌
9/13/2020 11:05:17 PM
زیاتر...