وتار

داواکاری موچە، یان ڕوخان !

هونەر تۆفیق
حەجمی داواکاری ئێستای شەقام بچوک وسادە و ئاسانە ، لەگەڵ ئەوەشدا مافە و خەڵک دەبێت ئازادی تەعبیر لەخۆکردنی هەبێت . بەڵام حەجمی بەرپەرچەکانی دەستەڵات گەورە و توندە . ئەمەش ئەو هەڵەیە زۆربەی حکومەتە فاشیلەکانی دنیا تێ ی دەکەون . کاتێک ڕووبەڕووی هەر ڕەخنە و ناڕەزایەتیەکی جەماوەری دەبنەوە، تۆمەتی دەستی دەرەکی و ناپاکی بۆ دادەتاشن !

ئەزموونی ئەو جۆرە بەرخودەی دەستەڵاتەکان سەلماندویەتی ، هەتا توندی بنوێنن لەدژی داواکاریە سادەکانی خەڵک ، ئاستی داواکاریەکان لەئەنجامی ئەو توندوتیژی نواندنەی دەستەڵات بەرزتردەبێتەوە .

خەڵک ئەمڕۆ داوای موچە و بژێوی دەکات ، چاوەڕوانە دەستەڵات چارەسەری بکات ، بەڵام ئەگەر پێچەوانەی چاوەڕوانی خەڵک ، حکومەت لەبری چارەسەرکردن پەنا بۆ کپکردن و توندوتیژی بەرێت ، حەجمی داواکاریەکە لە موچە و بژێویەوە دەگۆڕێت بۆ داوای ڕوخانی دەستەڵات .

دەبێت حکومەت زۆر عاقڵانە و حەکیمانە مامەڵەی ئەم دۆخەی ئێستای کۆمەڵگە بکات . نابێت هەڵەیەکی گەورەی وەها بکات بەنیازی چارەسەر ببێتە هۆکاری بەرزبوونەوەی ئاستی داواکاریەکانی خەڵک . ئەبێت دەستەڵات سوپاس گوزاربێت لە دۆخێکی ئاوادا حەجمی داواکاریەکەی خەڵک وەک مافێکی بچوک و سادە ، تەنیا موچە و بژێوی یە .نابێت فشارەکانی سەر خەڵک زیادبکرێت ،چونکە دەبێتە هۆی زیادکردنی داواکاریەکان ، کە بەم حاڵەی ئێستا حکومەتەوە بەرگەی ناگرێت ، دەڕوخێت .
ژمارەی خوێنەر   ‌ 61‌
5/18/2020 7:47:09 PM
زیاتر...
هونەر تۆفیق
سه‌مه‌د زه‌نگه‌نه‌
عەبدوڵای مەلا نوری
کاروان گەزنەیی