ئه‌مریكا قسه‌ى كۆتایی كرد.. له‌چه‌ند كاتژمێرى داهاتوو ده‌ستپێده‌كات
نها نیوز ـ هه‌واڵه‌كان
جۆ بایدن سەرۆکی ئەمریکا ئەمڕۆ چوارشەممە یاسایەکی واژۆکرد کە ڕێگە بە یارمەتییە سەربازییە زۆر پێویستەکان دەدات بۆ ئۆکرانیا و ڕایگەیاند، واشنتن لە ماوەی چەند کاتژمێرێکدا دەستدەکات بە ناردنی هاوکاری نوێ بۆ کیێڤ.
پەسەندکردنی پاکێجێکی 95 ملیار دۆلاری کە هاوکات یارمەتییەکانی ئیسرائیل و تایوان و ڕێوشوێنێک بۆ قەدەغەکردنی قەدەغەکردنی تیک تۆکیش لە ئەمەریکا لەخۆدەگرێت، ئه‌مه‌ش له‌كاتێكدایه دوای چەند مانگێک له‌دواکەوتنى لەکاتێکدا هێزەکانی ئۆکرانیا چەک و تەقەمەنییان لە گۆڕەپانی شەڕدا کەمبووەتەوە، ئه‌مریكا هاوكاریى بۆ ئۆكرانیا كه‌مكردوه‌ته‌وه.
بایدن لە لێدوانێکیدا بۆ ڕۆژنامەوانان وتی "تازە پاکێجی ئاسایشی نیشتمانیم واژۆکرد کە ئەم کۆتایی هەفتەیە لەلایەن ئەنجومەنی نوێنەرانەوە پەسەندکراو دوێنێش لەلایەن ئەنجومەنی سیناتەوە پەسەندکرا".
بایدن سەبارەت بە یاساکە دەڵێت "ئەمە ئەمریکا پارێزراوتر دەکات، جیهان پارێزراوتر دەکات و سەرکردایەتی ئەمریکا لە جیهاندا بەردەوامدەکات و هەمووانیش دەزانن".
سەرۆک بایدن وتیشی ئەمە "پشتیوانییەکی گرنگ دەدات بە هاوبەشەکانی ئەمەریکا بۆ ئەوەی بتوانن بەرگری لە خۆیان بکەن دژ بە هەڕەشەکان بۆ سەر سەروەری خۆیان و بۆ سەر ژیان و ئازادییەکانی هاووڵاتیانیان".
یاسای یارمەتییەکان دوای چەند مانگێک لە مشتومڕێکی توند لە نێوان یاسادانەراندا لەسەر چۆنیەتی یارمەتیدانی ئۆکرانیا و تەنانەت ئەوەش کە ئایا پێویستە یارمەتی ئۆکرانیا بدرێت، لە ئەنجومەنی نوێنەران پەسەندکرا.
پاکێجێکی هاوکاری هاوشێوە لە مانگی دوو لە ئەنجومەنی سینات پەسەندکرا، بەڵام لە ئەنجومەنی نوێنەراندا چەقی بەستبوو لە کاتێکدا مایک جۆنسنی سەرۆکی ئەنجومەنی نوێنەران کە کۆمارییە بە گوێگرتن لە داواکانی دانۆڵد ترامپ سەرۆکی پێشووی ئەمەریکا و هاوپەیمانە توندڕەوەکانی - داوای لە بایدن کرد لە بەرامبەردا سەبارەت بە سیاسەتەکانی کۆچبەری، سازشبکات.
ئەمریکا پشتیوانێکی سەرەکی سەربازی ئۆکرانیا بووە، بەڵام کۆنگرێس نزیکەی ساڵ و نیوێک بوو هاوکاری دارایی فراوانی بۆ کیێڤ پەسەندنەکردبوو و دابینکردنی پارە شەڕەکە بووەتە خاڵێکی مشتومڕ لە پێش هەڵبژاردنی سەرۆکایەتی ئەمریکا لە مانگی یازدەدا.
ڕوسیا لە مانگی 2 ی ساڵی 2022وە هێرشێکی داگیرکاری بۆ ناو ئۆکرانیا دەستپێکردووە و لەو دەمەوە ئۆکرانیا لە شەڕێکی فراواندایە بۆ بەرگریکردن لە خۆی.
|