بۆ كەمكردنەوەی نرخی گۆشتی سوور بڕیاردرا
قائیمقامیەتی سلێمانی رایگەیاند: بەمەبەستی كەمكردنەوەی نرخی گۆشتی سوور لەبازاڕەكانی پارێزگای سلێمانیدا رێكاری نوێ دەگیرێتەبەر.
لەڕاگەیەنراوێكیدا قائیمقامیەتی سلێمانی ئاماژەی بەوەداوە، ئاوات محەمەد قائیمقامی سلێمانی لەگەڵ لیژنەی دیاریكردنی بەروبومی ئاژەڵی و پەلەوەری و ماسی كۆبووتەوەو بەمەبەستی كەمكردنەوەی نرخی گۆشتی سوور لە بازاڕەكانی پارێزگای سلێمانی و گرتنەبەری چەند رێكارێك بۆ نزمبوونەوەی نرخی گۆشتی سور، هەروەها هاوردەكردنی ئاژەڵی زیندو بۆ سەربڕین و زیادكردنی بڕی گۆشتی بەستوی هاوردەكراو.
بەپێی راگەیەنراوەكە، لە‌كاتی هاوردەكردنی بەربومی ئاژەڵ و پەلەوەری و ماسیدا پێویستە رەچاوی مەرج و رێنماییەكان بكرێت.
|