وتەبێژی یەكێتی: پێویستە هەرێم پابەندی بڕیارەكانی دادگای فیدراڵی بێت
نهانیوز- هەواڵەکان
وتەبێژی یەكێتی رایگەیاند: پێویستە هەرێم پابەندی بڕیارەكانی دادگای فیدراڵی بێت و جیاواز لەوە هەر هەوڵێكی دیكە بێ سوودە.
سەعدی ئەحمەد پیرە وتەبێژی یەكێتی نیشتمانی كوردستان لەبارەی بڕیارەكانی هەفتەی رابردوو دادگای فیدراڵی لەبارەی مووچەو یاسای هەڵبژاردنی پەرلەمانی كوردستان لەكۆنگرەیەكی رۆژنامەوانیدا رایگەیاند "ئەمە ئەو بڕیارانەن كە پێشتر خۆمان دەمانتوانی بە كەمترین زیان لەناوخۆماندا چارەسەری بكەین".
وتیشی "پابەندبوون بە بڕیارەكانی دادگای فیدڕاڵی سوودی زۆری بۆ هەرێم دەبێت، لەبەرئەوە پێویستە پابەندی بڕیارەكانی داداگای فیدڕاڵی بین، چونكە جیاواز لەوە هەر هەوڵێكی دیكە بێ سوودە".
|