وەرزش

كلاسیكۆی ئه‌مشه‌و چه‌ند تایبه‌تمه‌ندییه‌كی جیاوازی هه‌یه‌


تایبەتمەندییەکی سەرنجڕاکێشی کلاسیکۆی ئەمجارەی نێوان هەردوو یانەی ریال مەدرید و بارسێلۆنا، ئەوەیە کە بەشێکی زۆری یاریزانەکانی هەردوو یانە تەمەنیان لە 30 ساڵ تێپەڕیووە، بەڵام ئەوان ئەمشەو ئەوان شەڕی نمایشکردنی مانەوەی خۆیان دەکەن، لەپێناو بردنەوەی یارییەکەدا.

رۆژنامەی سپۆرتی ئیسپانی لە راپۆرتێکدا ئەو یاریزانانەی بڵاوکردووەتەوە، کە لە هەردوو یانەدا تەمەنیان لە 30 ساڵ تێپەڕیووە.

15 یاریزان لەنێو هەردوو یانەدا تەمەنیان 30 ساڵ یان زیاترە، لە بارسێلۆنا لویس سوارێز 33 ساڵە و خۆردی ئەلباش تەمەنی 30 ساڵە، کە هەردووکیان بەهۆی پێکانەوە یاریی ناکەن، جێرارد پیکێ 33 ساڵە و لیۆنێل مێسیش 32 ساڵ.

سێرخیۆ بوسکێتس 31 ساڵە، ئارتورۆ ڤیدال تەمەنی 32 ساڵە، راکێتیچ 31 ساڵ و نیتۆی گۆڵپارێزی دووەمی یانەکەش تەمەنی 
30 ساڵە.

لە پێکهاتەی ریالدا، 7 یاریزان تەمەنیان بەرەو هەڵکشانە و لوکا مۆدریچ تەمەنی 34 ساڵە، سێرخیۆ رامۆس 33 ساڵ، کەریم بێنزیما 32 ساڵ، مارسێلۆ 31 ساڵ، گارێس بەیڵ 30 ساڵ، تۆنی کروس و ناچۆ فێرناندێزیش تەمەنیان 30 ساڵە.

بەپێی تەمەنی یاریزانەکان لەنێو یانەی بارسێلۆنادا 19 یاریزان رێژەی تەمەنیان 27.3 ساڵە، لەکاتێکدا 25 یاریزانی ریال مەدرید رێژەی تەمەنیان 26.6 ساڵە.
2020-03-01
زیاتر...