بومەلەرزە پارێزگای كرماشانی هەژاند
نهانیوز- هەواڵەکان
بوومەلەرزەیەك بەگوڕی چوار پلەی رێختەر شاری گەیلانی پارێزگای كرماشان هەژاند.
بەپێی راپۆرتی ناوەندی تۆماركردنی بومەلەرزەی ئێران، كاتژمێر 3:36 خولەكی بەرەبەیانی ئەمڕۆ 22ی شوباتی 2024، بومەلەرزەیەك بەگوڕی چوار پلەی رێختەرو لە قوڵایی 10 كیلۆمەتری زەوی لە شاری گەیلاندا روویداوە.
ناوەندەكە ئەوەشی خستوەتەڕوو "دواتر لەكاتژمێر 4:45 خولەك بوومەلەرزەیەكی دیكە بەگوڕی 2.7 پلەی رێختەر لەناوچەكە روویداوەو ئەو دوو بوومەلەرزەیەش لەدووری 6 كیلۆمەتریی شاری گەیلاندا روویانداوەو هیچ زانیارییەك لەبارەی زیانەكان بڵاونەكراوەتەوە".
|