پسپۆریێکی زەویناسیی تورکیا دەڵێت، بوومەلەرزەیەکی وێرانکەر لە ئیستانبوڵ روودەدات
نهانیوز- هەواڵەکان
پرۆفیسۆر دکتۆر ناجی گوێرور، ناودارترین زەویانسی تورکیا و پسپۆڕی بواری بوومەلەرزە رایگەیاند، بەدڵنیاییەوە لە داهاتوودا بوومەلەرزەیەکی وێرانکەر و گەورە بە گوڕی حەوت پلەی رێختەر لە شاری ئیستانبوڵ روودەدات.
ئاماژەی بەوەشکردووە، لە ساڵی 1766وە لە دەریای مەڕمەڕە بوومەلەرزەی گەورە رووینەداوە و ئەم دۆخەش 250 ساڵ دەخایەنێت، ئێستا کاتی شکانی زەوی ناوچەکەیە، چونکە ئەو وزە و جوڵەیەی دەستیپێکردووە بە شکان کۆتاییدێت.
داواشی لە حکومەت کرد، ئامادەکاریی تەواو بۆ ئەو بوومەلەرزەیە بکەن، تاوەکو زیانەکان بۆ کەمترین ئاست کەمبکەنەوە.
ناجی گوێرور مانگی کانونی یەکەمی 2023 رایگەیاند، بوومەلەرزەیەکی وێرانکەر ئیستانبوڵ دەهەژێنێت و ئەگەری روودانی ئەو موومەلەرزەیە رۆژ بە رۆژ زیاد دەکات و لە ئێستادا ئەگەرەکە بۆ 47% بەرزبووەتەوە.
ئیستانبوڵ لەو شارانەی تورکیایە لەسەر هێڵی بوومەلەرزەیە، بەگوێرەی تۆمارەکانی دەوڵەتی عوسمانی چەند بوومەلەرزەیەکی گەورە لە ئیستانبوڵ روویانداوە، لەوانەش بوومەلەرزەکانی 1506، 1706، 1894 و 1999.
لە بوومەلەرزەکەی 17ـى ئابی 1999 کە بە گوڕی 7.4 روویدا و 45 چرکەی خایاند، 17 هەزار و 480 کەس گیانیانلەدەستدا، نزیکەی 44 هەزار کەسی دیکەش بریندار بوون.
|