شەهیدان و ئەنفالکراوانی هەولێر: ئەو وارسانەی بایۆمەترییان ئەنجام نەداوە مووچەکانیان رادەگیرێت
نها نیوز – هەواڵەکان
بەڕێوەبەرایەتیی شەهیدان و ئەنفالکراوانی هەولێر رایگەیاند، ئەوانەی وارسی شەهیدن و بایۆمەترییان نەکردووە، پێویستە بیکەن، ئەگەر نا مووچەکانیان رادەگیرێت.
بەڕێوەبەرایەتیی شەهیدان و ئەنفالکراوانی هەولێر ئاگادارییەکی بڵاوکردووەتەوە و تیایدا هاتووە "ئاگاداری بنەماڵەی شەهیدان و ئەنفالکراوانی سنوری هەولێر-ی كردهوه، ئەوانەی وارسی شەهیدن و بایۆمەتریان نەکردووە، یان کۆدی بایۆمەتریان نەهێناوە، پێویستە لە رۆژی یەکشەممە و رۆژانی دواتر، سەردان بکەن".
ئاماژەی بەوەش کردووە، پێویستە هەر وارسێک ناسنامەی شەهیدان و کارتی نیشتیمانی پێبێت.
دهشڵێت "ئەم پرۆسەیە بۆ ماوەی 60 رۆژ بەردەوام دەبێت، بەپێچەوانەوە ئەو وارسانەی بایۆمەتریان ئەنجام نەداوە موچەکانیان رادەگیرێت".
|