کاتێک پرسیارى سوڕى مانگانه له خانمان ده‌کرێت یه‌که‌مین شت که بیریان ده‌که‌وێته‌وه نیشانه‌کانییه‌تى که به‌گشتى پێى بێزار ده‌بن و توشى ئازار ده‌بنه‌وه، بێئاگان له‌وه‌ى که زانست ئه‌وه‌ى سه‌لماندووه به‌هۆى سوڕى مانگانه‌وه چه‌ندین گۆڕانکارى له‌له‌شى خانماندا ڕووده‌دات و چه‌ندین سودى گرنگى هه‌یه له‌وانه:
١- پاک بوونه‌وه‌ى ره‌حم و ڕزگاربوون له زیادیه‌کانى ناو ره‌حم و ئاماده‌کردن بۆ قۆناغێکى نوێ, ئه‌وه‌ش ڕێگرى ده‌کات له توشبوونى خانمان به نه‌خۆشیه‌کانى دڵ و ده‌ماره‌کان و خوێنبه‌ره‌کان .
٢- دواخستنى پیرى, چونکه سوڕى مانگانه ده‌بێته هۆى ئه‌وه‌ى که خانمان دره‌نگتر به قۆناغى پیرى بگه‌ن و دره‌نگتر نیشانه‌کانى پیرییان ده‌ستپێ بکات.
٣- ئاشکرابوونى کێشه‌ى ته‌ندروستى، له میانه‌ى سوڕى مانگانه‌دا ڕه‌نگ و بۆن و جۆرى ئه‌و خوێنه‌ى که له‌له‌شى خانمانه‌وه ده‌رده‌چێت ئاماژه‌یه بۆ ته‌ندروستى خانمان و له‌کاتى بوونى کێشه‌دا زوو ده‌زانێت و چاره‌سه‌رى ده‌کات.
٤- ڕزگار بوون له ئاو و شله‌مه‌نى و هێلکه‌ى زیاده, چونکه سوڕى مانگانه دواى گۆڕینى هاوسه‌نگى هۆڕمۆنه‌کان ڕووده‌دات که به‌رپرسن له مادده‌ى خۆراکى و زیاده‌کانى له‌ش, دواى ١-٢ ڕۆژ له سوڕى مانگانه له کێشى زیاده ڕزگارت ده‌بێت و هه‌ست به سوکى کێشت ده‌که‌یت .
٥- گه‌یشتن به خه‌ونى دایکایه‌تى، له‌به‌ر ئه‌وه‌ى کاتێک هۆرمۆنى (هيثؤفيز) کار له‌سه‌ر هێلکه‌دان ده‌کات و ده‌بێته هۆى ده‌ردانى هۆڕمۆنه‌کانى ترى وه‌ک (ئيسترؤجين و پڕؤجيسترؤن)، ئه‌و هێلکه‌یه ئازاد ده‌کات که ده‌بێته هۆى دروستبوونى منداڵ، هه‌موو هۆڕمۆنه‌کان ده‌بنه هۆى گه‌شه‌کردنى جه‌سته و ده‌روونی خانمان به‌تایبه‌تى کچان .