عێراق بە فەرمى هاتنى سەربازانى سووریاى بۆ ناو خاکەکەى راگەیاند
نها نیوز – هەواڵەکان
ڕاپۆرتە ڕۆژنامەوانیەکانی عێراق ئاشکرایانکردووە، نزیكەی دوو هەزار سەرباز و ئەفسەری سوپای سووریا لە ڕێگەی دەروازەی قائیم، پەیوەندیان بە سوپای عێراقەوە کردووە.
سومەریە نیوز لە هەواڵێکیدا ڕایگەیاندووە، زیاتر لە هەزار و 500 ئەندام و ئەفسەری سوپای سووریا، ڕێگەیان پێدرا لە دیوی عێراقەوە بچنە ناو خاکی عێراقەوە.
بڵاوبوونەوەی ئەو هەواڵەش لەكاتێكدایە، کە تائێستا سوپای سووریا هیچ ڕوونكردنەوەیەكی لەوبارەیەوە نەداوە.
ئاماژەی بەوەشکردووە، هۆکاری ئەمەش دەگەڕێتەوە بۆ دۆخی ئاڵۆزی دەروازەی ئەل قاعیم، بەهۆی ئەو گۆڕانکارییە خێرایەی ڕوویداوە.
لەدواین گۆڕانكارییەكانی ڕووداوەكانی سووریادا، هێزە ئۆپۆزسیۆنەكانی سووریا كە بەشێكی زۆریان نزیك لە توركیان، نزیكەی 10 كیلۆمەتر لە دیمەشقی پایتەخی سووریاوە دوورن.
|