ئەمڕۆ یەکێتی و پارتی پۆستەکان یەکلایدەکەنەوە
نها نیوز - هەواڵەکان
ئەمڕۆ جارێکی دیکە وەفدی یەکێتیی نیشتمانیی کوردستان و پارتی دیموکراتی کوردستان دەربارەی پرسی پێکهێنانی کابینەی نوێی حکومەتی هەرێمی کوردستان کۆدەبنەوە.
وابڕیارە، کاتژمێر 10:00ـی بەیانیی ئەمڕۆ پێنجشەممە، 17ـی 4ـی 2025، هەردوو شاندی باڵای دانوستانکاری پارتی دیموکراتی کوردستان و یەکێتیی نیشتمانیی کوردستان، لە بارەگای مەکتەبی سیاسیی یەکێتی لە سلێمانی، کۆببنەوە.
کۆبوونەوەکەی هەردوو شاندی باڵای دانوستانکاری پارتی و یەکێتی، درێژەپێدەری کۆبوونەوەکەی پیرمامە کە ڕۆژی سێشەممە، 15ـی 4ـی 2025، بەڕێوە چوو و تێیدا تاوتوێی پێکهێنانی کابینەی دەیەمی حکومەتی هەرێمی کوردستان و دابەشکردنی پۆستەکان کرا.
وا بڕیارە لە کۆبوونەوەکەی ئەمڕۆدا، ڕەشنووسێک ئامادە بکرێت بۆ ئەوەی ببێتە کارنامەی کابینەی نوێی حکومەتی هەرێمی کوردستان و دابەشکردنی پۆستەکان لەنێوان هەردوولادا.
|