وەزارەتی ناوخۆ: پەکەکە و هەندێک لایەنی لە یاسا دەرچوو نیازیان هەیە بۆ شێواندنی ئاسایشی هەرێم
نها نیوز – هەواڵەکان
دوای ئەوەی خۆپیشاندەران لە سلێمانیەوە بەڕێکەوتن بەرەو هەولێر بۆ دەربڕینی ناڕەزایەتییەکانیان لە بەردەم بینای نەتەوە یەکرتووەکان، لەلایەن هێزەکانی پارتیەوە ڕێگریان لێکرا و بەهوو شێوەیەکی دڕندانە بەگژ خۆپیشاندەراندا چوونەوە، وەزارەت ناوخۆی هەرێم ڕاگەیاندراوكی بڵاوکردەوە و دەڵێت، خۆپیشاندەران سەر بە لایەنی لە یاسا دەرچوون کە نموونەی بە پەکەکە هێناوەتەوە.
دەقی ڕاگەیاندراوەکە...
راگەیێندراوێک لە وەزارەتی ناوخۆی هەرێمی کوردستانەوە
جەند رۆژێکە لە سنووری سلێمانی گردبوونەوەی ژمارەیەک فەرمانبەر بەدی دەکرێت. داواکارییە رەواکانی فەرمانبەران و چین و توێژەکانی هەرێمی کوردستان هەمیشە لە خشتەی کارە لەپێشینەکانی حکوومەتی هەرێمی کوردستاندان و لەو پێناوەش بە بەردەوامی لەگەل حکوومەتی فیدرال لە بەغدا کار بۆ بەدیهاتنیان کراوە و تا رادەیەکی باش بەرەو پێشچوون هەیە. بە هەماهەنگی لەگەل بەغدا لە هەولی چارەسەرکردنی بابەتە هەلواسراوەکانین.
ئەوەی جێگای هەلوەستەیە، کۆمەلێک کەس و لایەنی دەرەکی و ناوخۆیی لە عێراق دەیانەوێت ئەم داواکارییانە بە کاربهێنن بۆ مەبەستی گوماناویی خۆیان و هەندێک لایەنی پاشکۆ، لایەنەکانی لە یاسا دەرچوو ، پ. ک. ک. و کەسانی تر سوود لەو دەرفەتە وەردەگرن و نیازیان هەیە بۆ شێواندنی ئاسایشی ناوچەکانی تری هەرێم بەکاری بهێنن و بەمەش داواکارییە رەواکانی فەرمانبەران تێکەڵ بە مەرامەکانیان دەکەن. سەرباری رێزگرتن لە مافی خۆپیشان، هەر هەوڵێک بۆ تێکدانی ئاسایشی هەرێمی کوردستان رێگرییان لێدەکرێت و هەر هەولێک بەدەر لە یاسا و رێنماییەکان بێت رێگەی پێنادرێت.
|