ناوەڕۆکی کۆبونەوەی نوێنەرەکەی مەسعود بارزانی و مەزڵوم عەبدی ئاشکرابوو

نها نیوز – هەواڵەکان

فەرماندەی هێزەکانی سوریای دیموکرات و نوێنەری مەسعود بارزانی کۆبونەوە و پێشهاتەکانی کوردستان و ناوچەکەیان تاوتوێکرد.

هێزەکانی سوریای دیموکرات (هەسەدە) لەبارەی کۆبوونەوەی مەزڵوم عەبدی فەرماندەی گشتی هێزەکە و نوێنەری مەسعود بارزانی راگەیەندراوێکی بڵاوکردەوە و تیایدا هاتووە "مەزڵوم عەبدی و نوێنەری مەسعود بارزانی دوایین پێشهاتەکانی کوردستان و ناوچەکەیان تاوتوێکرد".

ئەوەش هاتووە "كۆبونەوەكە بەشێوەیەكی داخراو بەڕێوەچوەو تێیدا حەمید دەربەندی، نوێنەری مەسعود بارزانی، نامەیەكی بارزانی گەیاندووەتە مەزڵوم عەبدی كە تێیدا جەختی لەسەر گرنگی یەكخستنی ریزەكانی كورد بۆ رووبەڕووبوونەوەی ئاڵەنگارییەكانی ئێستای سوریا كردووەتەوە".

هاوکات مەزڵوم عەبدی جەختیکردووەتەوە لەوەی، قۆناغی ئێستا دەخوازێت بە یەكخستنی هەوڵەكانی سەرجەم لایەنە كوردییەكانە لەپێناو بەدیهێنانی سەقامگیری و گەرەنتیكردنی پاراستنی بەرژەوەندی و دەسكەوتەكانی گەلی كورد.