وەفدی دەم پارتی کۆبوونەوەیان لەگەڵ ئۆجەلان دەستپێکرد
نها نیوز – هەواڵەکان
پێشنیوەڕۆی ئەمڕۆ شەممە، وەفدی دەم پارتی گەیشتنە دورگەی ئیمرالی و دەستیان بە كۆبونەوە لەگەڵ عەبدوڵا ئۆجەلان، رێبەری زیندانیكراوی پەكەكەدا كرد.
میدیاکانی پارتی بڵاویانکردەوە، پێشنیوەڕۆی ئەمڕۆ شەممە، سیری سورەیا ئۆندەر و پەروین بوڵدان، پەرلەمانتارانی دەم پارتی گەیشتوونەتە دورگەی ئیمرالی و لە ئێستادا لەگەڵ عەبدوڵا ئۆجەلان، رێبەری پەكەكەدا لە كۆبونەوەدان.
گەیشتنی ئەو وەفدەیە بۆ دورگەی ئیمرلی لەکاتێکدایە، كە دوێنێ هەینی بڵاوكرایەوە كە وەزارەتی دادی تورکیا، داواکارییەکەی دەم پارتی بۆ ئەنجامدانی دیدار لەگەڵ ئۆجەلان قبوڵ كرد.
|