هاتوچۆی سلێمانی هۆشداری دەدات
نها نیوز – هەواڵەکان
بەڕێوەبەرایەتیی هاتووچۆی سلێمانی لە ڕاگەیەندراوێکدا هۆشداریى دەداتە فرۆشگا و مارکێت و دەرمانخانەکان.
لە ڕاگەیەندراوەکەدا هاتووە "ئاگاداری سەرجەم فرۆشگا، مارکێت و دەرمانخانە و هەموو ئەو لایەنانە دەکەین، کە قووچەکی فسفۆری یان هەر هێمایەکی دیکە لە شەقامەکانی بەردەم شوێنی کارەکانیان دادەنێن بە مەبەستی تایبەتکردنی ئەو شوێنانە بۆخۆیان".
دەشڵێت "ئاگاداریان دەکەینەوە، کە شەقامەکان موڵکی گشتییە و نابێت بۆ بەرژەوەندی تاکەکەسی بەکاربهێنرێت و کارێکی نایاساییە".
هەر لە راگەیەندراوەکەدا باس لەوەشکراوە، بۆ ئەم مەبەستە لە ئەمڕۆوە بە هەماهەنگی لەگەڵ بەشی زیادەڕەوی سەرۆکایەتی شارەوانی سلێمانی لێپێچینەوە لەو لایەنانە دەست پێدەکات.
|